Ancelotti: Mbrojtja e vetmja mënyrë ndaj Cityt, çfarë më tha Guardiola 18/04 12:13
Tirana ka humbur përballë teutës së vendit të fundit në “Niko Dovana” në takimin përmbyllës të javës së 14-të e Abissnet Superiores.
‘Djemtë e Detit’ kanë fituar me rezultatin minimal 1-0, duke i befasuar bardheblutë e Tiranës, të cilët tani humbasin edhe kreun e klasifikimti duke ja ridorëzuar Partizanit që ka një pike më tepër në renditje.
Goli i vetëm i takimit erdhi, pas ekzekutimit të një goditjeje dënimi, ku topi i goditur nga Marku në minutën e 65’, pas një karamboli përfundoi në rrjetën e portës së Bekajt. Rezultati 1-0 për Teutës, nuk ndryshoi deri në fund të takimit megjithë përpjekjet e pasuksesshme të bardhebluve të kryeqytetit.
Kjo ishte fitorja e dytë e Teutës radhazi në ‘epokën’ e trajnerit Edi Martini, i cili me sa duket e di sekretin për të mundur kryeqytetasit. Gjithsesi, pas këtij suksesi, durrsakët me 14 pikët e grumbulluara renditen në vendin e nëntë, duke lënë pas vetëm Kukësin.
Sfida e radhës për Tiranën është derbi i kryeqytetit, ndeshje e cila, do të zhvillohet të mërkurën më 21 dhjetor në orën 20:00 në ‘Air Albannia’. Ndërkohë, Teuta do të luajë të enjten ndaj Vllaznisë në ‘Loro Boriçi’.
Edhe Egnatia pësoi humbjen e parë që nga koha kur drejtimin e tyre e ka marrë Shpëtim Duro. Surpriza e hidhur për rrogozhinasit erdhi pikërisht në “Egnatia Arena” të Rrogozhinës, ku skuadra e Bylisit fitoi me rezultatin minimal 1-0. Po me shifrat 1-0 u mbyll edhe takimi në Kamëz, ku skuadra krutane e Kastriotit fitoi ndaj Vllaznisë.
Në hije kuqeblutë shkodranë, të cilët janë futur në një krizë rezultatesh. Pasi humbën në fundjavën e shkuar në Shkodër ndaj Egnatias (0-1), sot pësuan humbjen e dytë radhazi. Duke luajtur me 10 futbollistë, pas daljes me karton të kuq të Krujës në minutën e 32-të.
Top Channel
