PSG/ Skriniar në pikëpyetje, parizienët kanë gati “planin B”

13/12/2022 17:52

Paris Saint-Germain vazhdon të mendojë për Milan Skriniar, por negociatat për rinovimin e kontratës mes mbrojtësit sllovak dhe Interit e bëjnë më të komplikuar këtë hipotezë.

Gjithsesi, kampionët e Francës nuk heqin dorë nga Skriniar dhe do të provojnë deri në fund, por gjithçka mund të vendoset këtë javë.

Kjo pasi, Inter pret një përgjigje përfundimtare nga mbrojtësi sa i përket rinovimit dhe tashmë “topi” kalon nga ish-mbrojtësi i Sampdoria-s.

Por, PSG ka gati edhe “Planin B”, por është shumë i kushtueshëm.

Bëhet fjalë për mbrojtësin i cili po shkëlqen në Katar2022, Josko Gvardiol.

Mediet franceze raportojnë se drejtuesit e parizienëve do të provojnë të negociojnë çmimin e kartonit të kroatit që tani ka shkuar rreth 100 milionë euro.

Natyrisht, Gvardiol është tani në qendër të vëmendjes dhe për të interesohen disa skuadra dhe konkurrenca nuk është aspak e lehtë, por në vitet e fundit, PSG ka treguar se gjen gjuhën e përbashkët me objektivat për ti sjell në skuadër.

Për momentin, për shërbimet e Gvardiol interesohen edhe Real Madrid dhe Manchester City dhe tani gara për Josko Gvardiol do të jetë kryefjala e merkatos dhe skuadrat e interesuara do të nisin tratativat e para që në muajin janar./ Super Sport

Top Channel