Lufta në Ukrainë, 8 të vrarë dhe 18 të plagosur nga sulmet ruse në Odesa 18/11 12:44
Një grua u gjet e vdekur dhe të paktën rreth 10 të tjerë rezultojnë të zhdukur në ishullin e Italisë jugore, Ischia, pasi një shi i rrëmbyeshëm shkaktoi rrëshqitje dheu.
Pamjet e fundit nga vendngjarja tregojnë vështirësinë e shpëtimit të viktimave, pasi moti i keq pengon punën e autoriteteve. Një burrë gjysmë i zhytur në ujë dhe baltë arriti të kapej pas një shtyllë hekuri derisa ekipet e shpetimit mundën ta nxirrnin nga aty.
Rrëshqitja e dheut goditi qytetin e Casamiçiola Terme pas reshjeve të dendura në orët e para të mëngjesit, duke sjellë përmbytje të rënda në pjesën veriore të ishullit vullkanik në Detin Tirren, rreth 30 kilometra nga Napoli.
Si pasojë një shtëpi u dëmtua rëndë dhe dhjetëra makina përfunduan përmbys në breg të detit. Në shumicën e shtëpive në zonë, uji ka prekur katet e para.
Kryeministrja Giorgia Meloni tha se ishte në kontakt të ngushtë me ministrin e Mbrojtjes “për të ndjekur evolucionin e valës së motit të keq që ka goditur Ischia”.
Top Channel
