“Fituan Scudetton dhe falimentuan”/ Marotta i përgjigjet ‘kunjave’ të presidentit të Milanit: Jemi të vetmit në qytet me dy yje 23/12 21:18
Me dëmtimin e Romelu Lukakut, barra e përgjegjësisë në fazën ofensive të Inter ka rënë e gjitha te Lautaro Martinez.
Por, protagonizmi mes të besuarve të trajnerit Simone Inzaghi rrit edhe kërkesat për sulmuesin, i cili në fakt prej kur është transferuar te Inter në vitin 2018, ka tërhequr pas vetes klube të mëdha, kujtojmë këtu këmbënguljen e Barcelonës para disa sezoneve. Sipas Super Sporet së fundmi është radha e Manchester United me drejtuesit e “Djajve të Kuq” që kërkojnë të kenë në organikë një sulmues të mirëfilltë zone pasi Rashford apo Martial nuk garantojnë efikasitetin e duhur për këtë rol.
Duke marrë parasysh edhe faktin që Ronaldo pritet të largohet, atëherë 25-vjeçari është lojtari ideal për të luajtur në Old Trafford. Megjithatë, United nuk është i vetëm garë pasi për Lautaron po shtohet interesi edhe nga kampi i PSG. Parizienët kanë nisur të marrin masa rreth emrit që do të pasojë Kylian Mbappe që është me “valixhe” gati për t’u larguar nga Parisi.
Edhe në këtë rast, Lautaro është i duhuri. Gjithsesi, si Manchester United, po ashtu edhe PSG duhet të bëjnë llogaritë me faktin që sulmuesi ka një kontratë me Interin deri në vitin 2026 dhe për të bindur zikaltërit duhet ofruar një shumë e majme ndërsa edhe vetë Lautaro aktualisht është i lumtur në Milano dhe për ta larguar nga Italia, duhet një projekt i qartë fitues por edhe shumë fitimprurës.
Top Channel
