VIDEO/ Lamine Yamal e ka “mendjen” te TikTok-u! Talenti i Barcelonës kapet ‘mat’ me të dashurën e re, një tjetër yll i rrjeteve sociale
02/12 20:14
Një diamant “i paçmueshëm” 105-karat mund të ngjallë kujtime të dhimbshme për Indinë nëse instalohet në kurorën e bashkëshortes së mbretit të ri Britanisë, raportohet së fundmi.
Pallati mbretëror anglez ‘Buckingham Palace’ konfirmoi kësaj jave se mbreti Karli III do të kurorëzohet më 6 maj të vitit që vjen në katedralen Westminster Abbey.
Mbreti Karl normalisht do të celebrohet me “vajin e shenjtë”, do të marrë bekimet, unazën dhe shkopin mbretëror, si dhe kurorën e ‘St Edward’s’, ndërsa Camilla do të bekohet me vajin e shenjtë dhe do të marrë kurorën e ish-nënës mbretëreshë të Britanisë.
Në ballë të saj është diamanti Koh-i-Noor, një nga më të mëdhenjtë në botë që i është dhënë në mënyrë të debatueshme mbretëreshës Viktoria nga perandori i fundit i dinastisë Sikh në Indi.
Megjithse ka kontestime mes Indisë, Pakistanit, e Afganistanit për pronësinë e diamantit, të gjithë ata janë dakord se duhet të hiqet nga kurora koloniale angleze.
Diamanti që iu dha mbretëreshës Victoria, është mbajtur nga monarkia dhe kur ajo vdiq u bë pjesë e xhevahirëve të kurorës.
Prej atëherë diamanti është parë në kurorat e mbretëreshave Alexandra, Mary, Elizabeth ne disa raste.
Pas vdekjes së Elizabetës muajin që shkoi, janë shtuar thirrjet që Koh-i-Noor të kthehet në vendin e tij.
Kësaj jave partia e kryeministrit indian Narendra Modi argumentonte se përdorimi i diamantit në kurorat britanike e risjell Indinë në kohën e vuajtjeve të perandorisë britanike.
“Shumë indianë nuk e mbajnë mend shtypjen e të kaluarës. Por pesë apo gjashtë gjenerata kanë vuajtur nga zgjedha e huaj për rreth pesë shekuj”, argumentonin zyrtarët.
Pallati mbretëror ende nuk ka komentuar nëse diamanti Koh-i-Noor do të jetë pjesë e kurorës së shoqërueses së mbretit.
Top Channel
