Baste sportive në lokal, vihet në pranga 31-vjeçari në Kukës
13/10/2022 15:33
Vranësira dhe reshje shiu, parashikimi i motit për këtë të martë 19/11 08:24
Një 31-vjeçar ka rënë në pranga në Kukës, pasi vinte baste sportive në lokalin e tij, të cilin nuk e kishte regjistruar në organet tatimore.
Policia sekuestroi një aparat celular.
Në përfundim të veprimeve hetimore u arrestua në flagrancë shtetasi L. N., 31 vjeç, banues në Kukës, për veprat penale “Organizimi i lotarive të palejuara”, “Vënia në dispozicion e lokaleve për lojra të palejuara” dhe “Fshehja e të ardhurave”, pasi ushtronte veprimtarinë e kundërligjshme të lojërave të fatit, në lokalin e tij, me anë të aparateve celulare.
Gjithashtu, gjatë kontrollit të dokumentacionit të lokalit, rezultoi se ai nuk e kishte regjistruar këtë subjekt në organet tatimore, për rrjedhojë fshihte të ardhurat e përfituara nga veprimtaria që ushtronte.
Materialet procedurale iu referuan Prokurorisë pranë Gjykatës së Rrethit Gjyqësor Kukës, për veprime të mëtejshme.
Top Channel
