Humbja e katërt radhazi në kampionat, Liverpooli mundet edhe nga Brentford dhe sheh titullin t’i “venitet” 25/10 23:09
Manchester United po kërkon në mënyrë të dëshpëruar të përforcojë organikën brenda muajit gusht, para se të mbyllet merkatoja e verës. Dy disfatat e para në këtë fillim të Premier League-s e kanë bërë edhe më emergjente ndërhyrjen në tregun e lojtarëve.
Orët e fundit po bën bujë lajmi për një ofertë të “Djajve të Kuq” për futbollistin e Realit të Madridit, Casemiro, edhe pse në zyrat e klubit madrilen nuk ka ende asnjë kontakt me klubin anglez.
Gjithsesi, presidenti i Realit të Madridit, Florentino Perez, është i vetëdijshëm se numri 14 ka marrë një ofertë që është sa dyfishi i pagës që përfiton në kryeqytetin spanjoll dhe një një kohëzgjatje të kontratës deri në vitin 2027. Në fakt, është një ofertë që vështirë të refuzohet. Casemiro po e mendon seriozisht këtë çështje, ai është i tërhequr ndjeshëm nga mundësia e largimit.
Te Reali dinë që braziliani po i afrohet fundit të ciklit të tij, kështu që nuk do të ishte ndonjë humbje e madhe në planin afatgjatë nëse e lejojnë të transferohet në “Old Trafford”.
Dhe nëse oferta e Manchester United do të jetë rreth 60 milionë euro, s’ka arsye madhore për ta refuzuar. Braziliani, aq shumë i vlerësua në dhomat e zhveshjes së Realit, duhet ta ndajë mendjen. Deri në fund të gushtit, do të ketë kohën e mjaftueshme në dispozicion për të reflektuar dhe marrë vendimin më të mirë për karrierën e tij.
Top Channel
