“Do të ishte përrallë nëse fiton”, Legjenda e Feyenoord ka një mesazh edhe për tifozët e Milanit

25/05/2022 14:12

Një tjetër legjendë e Feyenoordit në Tiranë për finalen e Conference League.

Jon Dahl Tomasson, sulmues danez, që të pasionuarit e futbollit në Shqipëri e kujtojnë për karrierën e tij te Milani, në intervistën për Andi Deçkën thekon se finalja luhet për ta fituar, pasi askush nuk të kujton se ke qenë finalist.

Mister Tomasson, nuk është hera e parë që vini në Shqipëri, keni qenë edhe me Danimarkën. Si e rigjetët Shqipërinë?

Sapo u larguam nga hoteli dhe duket shumë bukur. Është një ndeshje e madhe dhe mjaft emocionuese ndaj Romës dhe po e pres me padurim.

Ju jeni legjendë e Feyenoordit, çfarë do të thotë për ju suksesi në këtë kompeticion të ri Europian?

Fitova me Feyenoordin finalen e UEFA Cup 20 vite më parë, ishte një përvojë e paharrueshme dhe duhet ta luash një finale. Finalja është një ndeshje e madhe, jo çdo lojtar luan në një finale gjatë karrierës se tij, por nëse e ben diçka të tillë, duhet ta fitosh, pasi askush nuk e mban mend ekipin humbës. Kujtohen vetëm fituesit. Të gjithë këta lojtarë mund të shkruajnë një kapitull te suksesshëm në historinë e Feyenoordit, do të ishte si një përrallë, shpresoj që Feyenoord të fitojë sot.

Duhet të ketë qenë fundjave e mrekullueshme për ju, pasi ish-skuadra juaj, Milani, fitoi kampionatin. Një mesazh për fansat shqiptarë të Milanit?

Para së gjithash, është diçka e bukur të shohësh një skuadër të madhe të rikthehet aty ku e meriton, duke fituar titujt. Kishte kaluar kohë e gjatë që nuk fitonin. Unë kam kaluar 3 vite te Milani, gjatë asaj kohe mendoj se ishim më të mirët në botë. Është diçka e shkëlqyer për Milanin, kanë bërë një punë fantastike, jam shumë i lumtur për ta, veçanërisht për të gjithë tifozët shqiptarë të Milanit./supersport

Top Channel