Në një botë paralele/ Biden dhe Trump shokë të ngushtë, pamjet me Inteligjencë Artificiale bëjnë xhiron e rrjetit 15/11 10:33
Sot po mbahet seanca e radhës e gjyqit të Johnny Depp dhe Amber Heard.
Dëshmitari i radhës, psikiatri David R Spiegel po merret në pyetje nga avokatja e Amber Heard, Elaine Bredehoft, ndërsa është pjesë e dëshmitarëve të ekipit të Amber Heard.
Dr Spiegel konfirmon se ai ka parë videom, ku duket se përplas dollapë, thyen xhama dhe i bërtet Heard ndërsa kishte një gotë vere në dorë.
Ai thotë se ka kërkuar të bisedojë me Depp dy herë, por kërkesat e tij janë refuzuar nga Depp dhe avokatët e tij.
Doktori konfirmon se një pjesë e rolit të tij në seancë është të shpjegojë nëse sjellja e Depp është në përputhje me dikë që ka çrregullim të abuzimit me substancat dhe ushtrim dhune ndaj partnerit.
Pasi diskutoi përdorimin e tepruar të pijeve dhe drogës nga Depp.
Dr. Spiegel thotë se ai është i vetëdijshëm që Depp ka “rrëfyer se ka bërë një film krejtësisht të kotë”. Ai kërkon falje që nuk e mban mend se cilin film, por vazhdon duke thënë se “shkalla e tij e të menduarit ishte ulur… nëse vëmendja juaj është e dëmtuar, shkalla e kujtesës do të dëmtohet”.
Ai shprehet se në karrierën e tij ka trajtuar dhjetëra mijëra pacientë. Ai thotë se droga dhe alkooli përdoren nga rreth 75% e pacientëve të tij. Sipas tij, rreth 50% e pacientëve të tij kanë pësuar trauma, dhe prej tyre, 25% janë viktima të “abuzimit të partnerit”.
Psikiatri David R Spiegel tregoi rreth përdorimit të drogës dhe alkoolit.
“Kur kemi efektet e alkoolit, kemi dezinhibimin… kështu që nuk mund të interpretojmë më atë që keni para jush, çfarë është e drejtë dhe e gabuar, çfarë duhet të veprojmë dhe çfarë nuk duhet të veprojmë”.
Kur u pyet se si ndërvepron abuzimi me substancat me faktorin e rrezikut të dhunës nga partneri intim (IPV), Dr Spiegel arrin në përfundimin se alkooli dhe droga “do të na bëjnë të dezinfrenuar dhe do të na bëjnë të veprojmë, në shumë mënyra të ndryshme në lidhje me dhunën e partnerit intim”.
Kujtojmë se nga Heard, Deep akuzohet për dhunë seksuale dhe fizike, ndërsa ai ka kundërshtuar të gjitha akuzat dhe dëshmitë kundër tij.
Kujtojmë se sipas mediave të huaja dëshmitë nisën që më 12 prill.
Top Channel
