Presidencialet në Rumani, sondazhet: Kandidati i Partisë Social-Demokrate udhëheq zgjedhjet 25/11 07:31
Ushtari i parë rus që ka dalë para gjyqit për krimet e luftës në Ukrainë, Vadim Shishimarin, ditën e sotme teksa ishte në gjykatë në Kiev, i kërkoi falje një gruaje,të cilës i kishte vrarë burrin gjatë luftimeve.
“Po, e pranoj fajin tim. E kuptoj që nuk do të mund të më falësh, por më vjen keq”, tha Shishimarin.
Ai gjithashtu tha se ndjente “turp”.
Nga ana tjetër gruaja e prekur, u shpreh e irrituar ndaj kërkesës së faljes së ushtarit rus dhe iu drejtua atij: “A ke ardhur të na mbrosh? Nga kush? Më ke mbrojtur nga burri që ke vrarë?”
“Na urdhëruan të vinim me kolonën, nuk e dija se çfarë do të pasojë”, tha Shishimarin.
Ky është gjyqi i parë ukrainas për krimet e luftës që mbahet që kur Rusia pushtoi vendin më 24 shkurt. Ushtari 21-vjeçar u deklarua fajtor të mërkurën për të qëlluar një civil 62-vjeçar të paarmatosur në rajonin Sumy të Ukrainës në ditën e katërt të luftës dhe po përballet me një dënim të përjetshëm.
Gjyqi u shty të mërkurën për shkak se shumë anëtarë të medias po mbushnin sallën e gjyqit. Gjyqi është zhvendosur në një gjykatë më të madhe në Kiev.
Top Channel
