“BE të rishqyrtojë sanksionet ndaj Rusisë”, Orban bën thirrje: Çmimet e energjisë duhet të ulen patjetër 15/11 11:02
Politikanët kanë bërë thirrje për veprim ndaj një turme prej 20 burrash që kishin vrarë me shkopinj dy të tjerë në shtëpinë e tyre pasi i akuzonin se kishin therrur një lopë.
Incidenti i rëndë ndodhi në zonën Seoni të rajonit indian Madhya Pradesh, ku gjithashtu një burrë i tretë ishte plagosur.
Policia tha se turma prej 20 vetësh kishte vizituar Sampat Batti e Dhansa, që i përkisnin një tjetër fisi vendas, duke i akuzuar se kishin therrur kafshën.
Pas konfliktimit dy burrat ishin rrahur brutalisht dhe vdiqën gjatë rrugës për në spital shkruante rrjeti vendas NDTV.
Një protestë pasoi sulmit e rëndë dhe kongresmeni lokal Arjun Singh Kakodia u bashkua me protestuesit që bllokuan autostradën Jabalpur-Nagpur duke kërkuar veprim ndaj përgjegjësve.
Policia më pas mori në pyetje të dyshuarit dhe rrjedhimisht ngriti akuza ndaj 20 prej tyre, gjashtë prej të cileve u akuzuan për vrasje.
Mediat raportonin se një sasi e madhe mishi ishte gjetur në shtëpinë e viktimave.
Kreu i policisë SK Maravi tha: “Dy burra të një fisi tribal kanë vdekur. Besohet se grupi prej 15-20 shkuan në shtëpinë e viktimave, i akuzuan për vrasjen e lopës dhe i sulmuan”.
“Dy viktimat kishin vdekur gjatë rrugës për në spital, ndërsa një i tretë pësoi plagë të lehta”.
Madhya Pradesh është shteti në Indi me më shumë krime ndaj meshkujve tribalë, që në fiset më të veçuara nga shoqëria e përgjithshme.
Kreu i parlamentit të vendit Kamal Nath dhe politikanë të tjerë kërkuan veprim ndaj tragjedisë.
Nath tha: “E gjithë ndihma e mundshme duhet t’u jepet familjarëve të viktimave dhe për trajtimin e të plagosurit”.
Janë disa grupe vullnetarësh të krijuar vitet e fundit që pretendojnë të ndalojnë vjedhjen e trafikun e lopëve, si dhe mbrojtjen e ligjit kundër therrjes së lopëve në disa shtete indiane.
Në një raport të agjencisë Reuters, grupet e mbrojtjes së lopëve kanë qenë përgjegjës për 63 vjesje linçuese në lidhje me subjektin në Indi nga viti 2010 deri në 2017.
Top Channel
