Ministri izraelit e kritikoi, reagon Papa Françesku: Po bombardojnë fëmijë! Kjo nuk është luftë… 21/12 18:13
Kryeministri britanik Boris Johnson ka zbuluar se trupat ukrainase po trajnohen në Mbretërinë e Bashkuar se si të përdorin automjetet e blinduara që Britania i ofron për të luftuar trupat ruse.
“Aktualisht po trajnojmë ukrainasit në Poloni për përdorimin e mbrojtjes kundërajrore, dhe në Mbretërinë e Bashkuar në përdorimin e automjeteve të blinduara”, u tha ai gazetarëve që udhëtonin me të në vizitën e tij në Indi.
Sekretari i shtypit i Johnson tha se dy duzina ushtarë ukrainas ndodheshin aktualisht në Mbretërinë e Bashkuar për stërvitje. Ai shtoi se trupat ukrainase filluan stërvitjen me automjete të dhuruara nga Britania këtë muaj.
Britania po i siguron Ukrainës 120 automjete patrullimi të blinduara, duke përfshirë Mastiff, i cili mund të përdoret si mjet zbulimi ose patrullimi. Ushtarët do t’u tregohet gjithashtu se si të përdorin ambulancën samaritane dhe automjetet e blinduara të zbulimit Sultan dhe Samson.
“Është e arsyeshme që ata të marrin trajnimin e nevojshëm për ta përdorur atë sa më mirë,” tha zëdhënësi. “Ne jemi gjithmonë të vetëdijshëm për çdo gjë që perceptohet të jetë shkallëzuese, por qartësisht ajo që është përshkallëzuese janë veprimet e regjimit të Putinit.”
Top Channel
