Davide Pecorelli publikon fotografinë mes thasëve me monedha ari
05/04/2022 19:32
“Iku ore ikuuu”, pamje të rënda nga atentati në Vlorë, Top Channel siguron VIDEON 18/12 22:52
Është bërë publike fotografia e Davide Pecorellit mes thasëve me monedha ari. Sipas karabinierëve, fotografia nuk është montazh, por ende ka dyshime.
Imazhet që ka dërguar për Top Channel duket se janë bërë në brendësi të një garazhi, ndërsa sipërmarrësi nuk e zbulon ende se ku ndodhet thesari.
Kujtojmë se biznesmeni italian u hoq si vdekur për muaj me radhë dhe ndërroi identiteti duke jetuar në Vlorë me emrin Cristiano.
I pyetur nëse e gjeti thesarin, aso kohe Pecorelli tha: “Kam zgjedhur të hesht për këtë dhe në fakt karabinierët janë nevrikosur. Unë mund të them që thesarin e kam parë, i kam parë dy arkat, i kam prekur dhe fotografuar. Nuk kam marrë monedha sepse janë pronë e shtetit dhe një monedhë e vetme është vepër penale ta marrësh.”
Davide Pecorelli shpreson që në Shqipëri t’i shpëtojë burgut me një gjobë për tre krimet për të cilat akuzohet. Kujtojmë se italiani inskenoi vdekjen e tij në Pukë dhe u shfaq i gjallë në Itali pas 8 muajsh.
Babai i 4 fëmijëve, Pecorelli ishte zhdukur në Pukë në Shqipëri, ku erdhi për një udhëtim pune për të takuar edhe pronarin e një qendre bukurie.
Historia e Davide, veçanërisht në muajt e parë pas zhdukjes së tij ngriti shumë pista hetimi dhe bëri që policia italiane të vijë në Shqipëri për të mësuar detaje rreth tij. 45-vjeçari, i cili erdhi në Shqipëri më 3 Janar, mori më qira një automjet tip “Skoda Fabia”, udhëtoi drejt Vlorës, më pas shkoi në Shkodër dhe bëri një ndalesë në Pukë. Që prej 6 janarit u zhdukën gjurmët e tij, ndërsa në automjetin krejtësisht të djegur të marrë me qera prej tij u gjetën mbetje të një njeriu.
Më 27 shtator 2021, Pecorelli foli për gazetarin e Top Channel, Mikel Marsi duke zbuluar se si kishte planifikuar të fshihej në Shqipëri.
Gazetari: Kur ke arritur në Shqipëri për herë të parë?
Davide: Për herë të parë në Shqipëri kam qenë në 2019 ku ka kaluar pushime në Vlorë së bashku me bashkëjetuesen time që është vlonjate, ajo jeton në Itali prej shumë vitesh.
Gazetari: Po udhëtimi juaj i fundit në Shqipëri?
Davide: Unë jam nisur më tre janar 2021 nga aeroporti i Anconas dhe kam zbritur në Rinas, kam kaluar natën e parë në shtëpi në Vlorë ku duhet të tërhiqja disa produkte parukerie, kam punuar nga gushti për të hyrë në tregun e makinerive estetike dhe produkteve te parukerisë. Kam themeluar një shoqeri, pra kam hapur një nipt në muajin Gusht.
Unë vij nga 25 vite që bej biznes, por vitet e fundit kam dy vite që po vuaj në nivel ekonomik, pas kovid, u gjenda ne një situate në teë cilen pushova 40 punonjës dhe kam më shumë se 1 milion euro borxhe, u përpoqa të hap një treg në Shqipëri, ku kisha ca tratativa për një lazer të rëndësishëm, që kushton 100,000 euro, unë do e shisja tek një zotëri që ka qendër estetike por me kovid është ai po e shtynte situatën, dhe pastaj doja të hyja në tregun e ngjyrave të flokëve. Tirana është një treg i madh dhe në lulëzim, Vlora më pak dhe doja të vleresoja edhe pjesën e veriut, Shkodrën, Kukësin, për të vlerësuar të gjithë Shqipërinë.
Çfarë ndodhi në Pukë?
Davide: Mora makinën me qera dhe në datë 4 u nisa për në Pukë, kisha prenotuar, sepse ishte një qytet ndërmjet Shkodrës dhe Kukësit, ishte e rehatshme sepse merrja autostradën. Që kur mbërritur në Shqipëri në date 3 unë kam qenë tashmë në një gjendje shumë të vështirë, por doja të tentoja t’ia dilja, sepse nuk kisha më leke as për të ngrënë. Isha në depresion psikologjik. Unë kisha vendosur të vrisja veten dhe kisha blerë një tub gazi për ta bërë në makinë. Më 5 Janar përpara se të bëja këtë kërkova një prift për tu rrëfyer. Unë jam katolik, e dija që veriu është katolik, unë kam thënë edhe prokurorëve të Periugias që nuk do t’i them kurrë emrat. Kur i thashë Priftit që do të vrisja veten, mbeti i habitur dhe pasi folëm një orë ai më tha, unë kam një mundësi për ty. E di që kërkon të zhdukesh, kam mundësinë të gjej disa kocka, në një gjendje të zakonshme, nuk e prekur varrin e askujt sipas meje, ai ka ka gjetur në një liqen.
Ai më tha nëse do ndihmë nga unë do shihemi ditën më pas, pra më 6 janar.
U takuam, në një vend, më saktë një rrugë në të cilën nuk ka telekamera.
Lamë takim në një parkim hoteli në Shkodër, u nisëm së bashku me dy makina, me priftin, ai me makinën e vet dhe unë me timen. Arritëm në vendin ku do të ndodhte aksidenti sepse duhet të ishte aksident, pasi makina duhet të binte në greminë, por nuk arritëm sepse ngeci në buzën e rrugës, ja pse u duk si vrasje.
Sepse duhet të ishte aksident dhe duhet të dukej aksident.
Dy trupa ose më saktë kockat e dy trupave ku i gjete?
Davide: I solli prifti në një qeskë, nuk e di ku i ka gjetur ai, më tha që i ka marrë në një vend të përbashkët jo nga një varr.
Top Channel
