Akuzohet për abuzime, arrestohet ish-zëvendësministri i Kilit! 59-vjeçari… 15/11 22:46
Ukraina ka ngadalësuar disa nga forcat e Rusisë, por shumë qytete vijojnë të goditen me raketa. Ndërkohë, presidenti ukrainas Volodymyr Zelensky tha se është i gatshëm të pranojë një status neutral, jo-bërthamor, si pjesë e një marrëveshjeje paqeje me Rusinë.
Presidenti Joe Biden nuk ka ndërmend të kërkojë ndjesë për deklaratën e tij të bujshme se Putin nuk mund të qëndrojë në pushtet. Në një dalje për mediet nga Shtëpia e Bardhë, Biden theksoi megjithatë se deklarata e tij nuk kishte te bënte me ndryshimin e regjimit në Rusi, më shumë se sa me një mendim personal të tij për shefin e Kremlinit.
21:58 Kryebashkiaku: Mbi 100 civilë të vdekur në Kiev, mes tyre katër fëmijë
Kryetari i bashkisë së Kievit, Vitali Klitschko tha se më shumë se 100 njerëz kanë vdekur në kryeqytetin ukrainas që kur Rusia pushtoi Ukrainën. Ai shtoi se 82 ndërtesa shumëkatëshe janë shkatërruar në Kiev që nga shpërthimi i luftës.
21:16 A e doni Putinin? Pyetja për rusët që po largohen
Dhjetëra-mijëra rusë janë larguar nga vendi që kur Moska pushtoi Ukrainën një muaj më parë. Shumë nga ata që e kanë bërë këtë, kanë raportuar marrje të pakëndshme në pyetje – dhe të paligjshme – teksa kalonin përmes kontrollit të pasaportave në Rusi. “Kur u largova nga Rusia, nuk isha i sigurt se po bëja gjënë e duhur”, tha 28-vjeçari Artyom Saprykin, një specialist i teknologjisë së informacionit (IT) nga Ufa, kryeqytet i rajonit të Bashkortostanit të Rusisë. “Tani, jam i sigurt”, shtoi ai.
21:00 Sekretarja e Jashtme e Mbretërisë së Bashkuar: Bisedimet nuk duhet të shesin Ukrainën
Negociatat për t’i dhënë fund luftës në Ukrainë nuk duhet të përfundojnë me “shitjen e Ukrainës”, tha Sekretarja e Jashtme e Mbretërisë së Bashkuar, Liz Truss. Duke iu drejtuar deputetëve në Dhomën e Komunave, ajo tha se presidenti Putin “nuk është serioz për bisedimet” dhe ende “po bombardon me qëllim qytetarët e pafajshëm”.
20:56 Prodhuesi holandez i birrës tërhiqet nga Rusia
Prodhuesi holandez i birrës Heineken njoftoi të hënën se po tërhiqej nga Rusia, duke u bërë firma e fundit perëndimore që tërhiqet nga vendi pas sulmit të Ukrainës nga Moska. Kompania e birrës tashmë kishte ndaluar shitjen dhe prodhimin e markës së saj Heineken në Rusi, si dhe pezulloi investimet dhe eksportet e reja në vend në fillim të këtij muaji.
20:24 Nga studiot në vendstrehime, media në Ukrainë vazhdon të raportojë
Në ditën e dytë të sulmit rus, ishte e qartë për gazetaren ukrainase Natalya Lutsenko se jeta për mediat në vend kishte ndryshuar. Ndërsa shpërthimet tronditën kryeqytetin Kiev, redaktorja 32-vjeçare dhe bashkëpunëtorët e saj nxituan drejt një strehimi nga bombat në ndërtesën ku ndodhet stacioni i saj, ICTV. Thellë nën tokë, në një dhomë me ndriçim të dobët me mure të zhveshura me tulla, Natalya Lutsenko doli përballë kamerës dhe iu drejtua shikuesve të kanalit ICTV.
18:00 “Putin mban në duar trupin e tij të vdekur”, mesazhi i pikturës murale në Sofje
Një prej pamjeve të frymëzuara nga situata e luftës në Ukrainë tregon presidentin rus, Vladimir Putin duke mbajtur trupin e tij të vdekur Një prej fotove të ditës të publikuar në Reuters ishte piktura murale në një prej ndërtesave të Sofjes në Bullgari e realizuar në bardh e zi. Murali është një mesazh për presidentin rus, i cili nisi luftën në Ukrainë, duke shkaktuar një dëm të pallogaritshëm me efekt në të gjithë botën.
17:30 Rusia sekuestron miliona dollarë ora zvicerjane luksi prej luftës në Ukrainë (fotot)
Zyrtarët në Rusi kanë raportuar sekuestrimin e orave të dorës nga Audemars Piguet në vlerë miliona dollarë. Objektet e çmueshme zvicerjane u sekuestruan dje në një dyqan nga agjentë të shërbimeve të sigurisë për shkelje të rregullave të doganave, thuhej në një raportim të mediave zvicerjane.
17:00 Helmohet Abramovich! Mediet amerikane shkruajnë se miliarderi shfaqi probleme shëndetësore
Oligarku rus Roman Abramovich raportohet se i ka mbijetuar një tentative helmimi më herët këtë muaj. Ai dhe disa negociatorë ukrainas thuhet se kanë pasur simptoma të dyshimta helmimi pas një takimi në Kiev në 3 mars. Abramovich ka pasur shenja që përfshijnë irritimin e lëkurës së duarve dhe në fytyrë si dhe skuqje të syve, të cilat nuk iu shfaqën menjëherë. Më 4 mars ai dhe negociatorët e tjerë, nga Kievi u nisën për në Lviv, pastaj në Poloni dhe në fund drejt Stambollit për negociata.
12:57 Gjermania “zhduk Z”: Kush përdor simbolin rus, ndëshkohet!
Përdorimi publik i simbolit “Z”, i kthyer ne shprehjen e mbështetjes ndaj luftës së Rusisë në Ukrainë, do të ndëshkohet me ligj në disa lande gjermane. Senatorja Iris Spranger nga Berlini tha për gazetën Tagesspiegel se përdorimi i simbolit “Z”, që është parë në makinat ushtarake ruse, “ do të thotë mbështetje e agresionit”. Përdorimi i këtij simboli, sipas saj do të dënohet me ligj. Ajo iu referua një neni të Kodit Penal, që në rast se dikush e shkelë të njëjtin, mund të dënohet deri në tre vjet burgim apo të gjobitet. Po ashtu Saksonia e Poshtme dhe Bavaria kanë njoftuar për dënime lidhur me përdorimin e këtij simboli.
12:49 Pas Kievit, trupat ruse lënë dhe Çernobilin, ekspertët: Po ndryshojnë taktikë!
Pasi nuk arritën të marrin Kievin, trupat ruse thuhet se janë larguar nga një qytet që pushtuan afër centralit bërthamor të Çernobilit. Sipas Reuters, kryebashkiaku Yuri Fomichev tha se trupat kishin përfunduar punën “që kishin vendosur të bënin” dhe ishin larguar nga qyteti i Slavutych. Forcat e Moskës e pushtuan të shtunën morën Slavutych dhe arrestuan për pak kohë kryebashkiakun.
11:57 Kievi lehtëson shtetrrethimin, mësimi nga sot bëhet online
Kryebashkiaku i Kievit Vitali Klitschko, ka njoftuar ditën e sotme se ka një lehtësim të shtetrrethimit në kryeqytetin ukrainas. Këtë njoftim ai e postoi në ‘Facebook’ ku shkroi se ky është një informacion i rëndësishëm dhe së orari i shtetrrethimit po ndryshon.
11:31 Tre ditë për të vendosur fatin e luftës, Zelensky: Referendum për marrëveshjen!
Raundi i ri i negociatave Ukrainë-Rusi është paralajmëruar të mbahet nga 28 deri në 30 mars, në mesin e përpjekjeve të shtuara duket për arritjen e një marrëveshjeje e cila t`i japë fund luftës. Ukraina i ka përshkruar si mjaft të vështira bisedimet e deritanishme me rusët, e nuk pret ndonjë përparim të madh edhe këtë radhë. Ndërsa ministri i jashtëm turk, Mevlut Cavusoglu u shfaq optimisht disa ditë më parë, kur tha se duket sikur palët po lëvizin pak më shumë drejt një ujdie. “Sigurisht, nuk është e lehtë të gjendet dakordësia kur lufta vazhdon e vriten civilë, por janë bërë hapa përpara”, ishte komenti i tij.
11:31 Lavrov: Marrëdhëniet e Rusisë me Kinën janë në nivelin më të ‘fortë’
Ministri i Jashtëm rus Sergei Lavrov, ka deklaruar ditën e sotme se marrëdhëniet e vendit të tij me Kinën janë më të forta se kurrë më parë. Sipas tij, teksa vendet perëndimore janë munduar ta izolojnë Rusinë me sanksione të forta, Kina ka qenë ajo që ka refuzuar ta dënojë pushtimin. Ajo ka mbajtur gjatë gjithë kësaj kohë shkëmbime ekonomike dhe tregtare me Rusinë.
10:48 Kryebashkiaku i Mariupolit bën thirrje për evakuimin e plotë të qytetarëve
Qyteti kyç port i Ukrainës Mariupol, është në prag katastrofe humanitare dhe kryebashkiaku i qytetit Vadym Boichenko , bën thirrje që të evakuohet plotësisht popullsia Komiteti Ndërkombëtar i Kryqit të Kuq, ka deklaruar se nuk është në gjendje të japë ndihma në Mariupol, pasi kërkon garanci nga Ukraina dhe Rusia që kalimi i saj në Mariupol të jetë i sigurtë.
10:32 Rusia sulmon Ukrainën gjatë natës, shpërthen dy raketa në perëndim
Zyrtarët ukrainas bëjnë me dije se gjatë natës ka patur dy shpërthime shumë të fuqishme në Zhytomyr ndërsa tani situata në qytet është pak më e qetë. Kreu i administratës ushtarake rajonale të Volyn në Ukrainën perëndimore, Yuriy Pohuliaiko tha se një raketë goditi një depo karburanti dhe ishte gjuajtur nga Bjellorusia fqinje, siç raporton ushtria.
10:07 Biseda telefonike/ Erdogan kërkesë homologut rus për armëpushim
Erdogan i theksoi homologut të tij rëndësinë e armëpushimit mes Rusisë dhe Ukrainës, fillimin e paqes dhe krijimin e kushteve të mira humanitare në të gjithë rajonin. Ai deklaroi më tej se Turqia do të japë çdo lloj mbështetje në lidhje me procesin.
09:30 Ukraina do të japë “Çmimin e Paqes” për kompanitë që u shkëputën nga Rusia
Presidenti i Ukrainës Volodymir Zelenskyy, do të japë “Çmimin e Paqes” për të gjitha kompanitë ndërkombëtare që arritën të shkëpusnin marrëdhëniet me tregjet ruse.Kreu i zyrës presidenciale, Andriy Yermak, u shpreh se në fund të fundit indiferenca dhe heshtja janë bashkëfajësi dhe se qëllimi i tyre është që asnjë qindarkë mos të hyjë në xhepin e agresorit.
08:00 Ukraina e përgatitur të diskutojë statusin neutral
Në një intervistë të gjatë rreth 90 minuta, presidenti i Ukrainë, Volodymyr Zelensky tha se shteti i tij është i përgatitur të diskutojë me Rusinë, miratimin statusit neutral.
Në këtë intervistë dhënë mediave të pavarura ruse, Zelensky thotë se si pjesë e një marrëveshjeje paqeje me Rusinë, Ukraina është e përgatitur të diskutojë miratimin e një statusi neutral, por ajo marrëveshje do të duhet të garantohet nga palët e treta dhe të vendoset në një referendum, raporton Reuters.
“Garancitë e sigurisë dhe neutraliteti, statusi jo-bërthamor i shtetit tonë. Ne jemi të gatshëm të diskutojmë për të. Kjo është pika më e rëndësishme,” tha ai në video-intervistë.
Çfarë ndodhi orët e fundit
Sulmet ruse vazhdojnë: Këshilltari i presidencës ukrainase Mikhail Podoliak tha se qytetet Lutsk, Kharkiv, Zhytomyr dhe Rivne ishin ndër vendet e goditura nga raketat ruse të dielën.
Zelensky këmbëngul për sovranitetin: Me një raund të ri bisedimesh për paqen të planifikuar për të martën në Stamboll, Zelensky tha në një video të postuar në mediat sociale se paqja dhe rivendosja e jetës normale janë qëllimet e Ukrainës.
Biden thotë se ai nuk po bënte thirrje për ndryshim regjimi: Duke u përpjekur të frenonte reagimin nga komentet e bëra të shtunën, presidenti i SHBA Joe Biden tha, “Jo”, në përgjigje ndaj një gazetari që pyeti nëse ai po bënte thirrje për ndryshimin e regjimit.
Ukraina premton “hetim të menjëhershëm”: Një video pothuajse gjashtë minutëshe tregon se ushtarët ukrainas qëllojnë në gjunjë burra të cilët me sa duket janë të burgosur rusë gjatë një operacioni në rajonin e Kharkiv. I pyetur në lidhje me videon, një këshilltar i lartë presidencial, Oleksiy Arestovych, tha: “Qeveria po e merr këtë shumë seriozisht dhe do të ketë një hetim të menjëhershëm. Ne jemi një ushtri evropiane dhe ne nuk tallemi me të burgosurit tanë. Nëse kjo rezulton Për të qenë e vërtetë, kjo është sjellje absolutisht e papranueshme”.
Putini synon “skenarin korean”: Kreu i inteligjencës ushtarake të Ukrainës tha se Putini mund të jetë në kërkim të ndarjes së Ukrainës në dy pjesë – si Koreja e Veriut dhe ajo e Jugut.
Top Channel
