Irani konfirmon bisedimet e reja bërthamore me fuqitë evropiane, priten takime me homologët nga Britania, Franca dhe Gjermania 21/07 12:54
Një paradë e gjerë trupash dhe pajisjesh ushtarake shënoi dje në Islamabad ditën kombëtare të Pakistanit.
Po këtë ditë Pakistani organizonte takimin e ministrave të jashtëm të vendeve muslimane, ku merrte pjesë dhe minsitri i jashtëm kinez Wang Yi.
Në paradë vendi islamik shfaqte njësitë elitare të ushtrisë dhe mjete të shumta ushtarake si raketa, tanke avionë e pajisje të tjera moderne.
Trupat ku përfshiheshin dhe ushtarake femra, marshonin para podiumit duke përshëndetur presidentin e vendit, kryeministrin, kreun e ushtrisë dhe zyrtarë të tjerë.
Në paradë ishin prezentë ministra të jashtëm të vendeve të Organizatës Islamike dhe minsitri i jashtëm kinez.
Mijëra njerëz brohorisnin “Rroftë Pakistani!” teksa avionët ushtarakë fluturonin mbi qiej dhe para-trupat zbrisnin me litarë nga helikopterët.
Pakistani celebron ditën kombëtare në 23 mars, që prej vitit 1940 kur liderët muslimanë në qytetin lindor Lahore kërkuan pavarësinë nga Britania.
Top Channel
