Avionin e rrëzuan rusët? 38 viktima në aksidentin ajror, ekspertët: U prek nga copëzat e një rakete
26/12 14:50
Nuk ka qetësi për rajonet pranë Etnës në Itali: Vullkani drithërues shpërtheu sërish, duke ngritur në ajër një shtëllungë tymi e hiri 12 km të lartë, e cila është parë deri edhe nga astronautët.
Aeroporti i dytë më i madh ndërkombëtar i Silicisë, Vincenzo Bellini, u mbyll përkohësisht ndërsa hiri vullkanik ka mbuluar rrugë, tarraca banesash e ballkone në fshatrat atyre pranë.
Vullkani më i lartë në Europë, u zgjua kështu sërish duke mahnitur, por edhe frikësuar me spektaklin e tij të llavës, ndërkohë që autoritetet vëzhgonin situatën për të garantuar që askush nuk do t’i afrohej zonave të rrezikshme.
Etna me lartësi 3300 metra shpërthen disa herë në vit, duke gulçuar me zhurmë e duke lëshuar llavë por pa shkaktuar dëme. Për herë të fundit, ajo pati një shpërthim tmerrues vullkanik në vitin 1992, kur llava iu afrua deri në 850 metra zonave të banuara.
Shpërthimi i parë i regjistruar i Etnës mendohet të ketë qenë në vitin 425 para erës sonë.
Top Channel
Top Channel/ Protestë kundër TEC/ Roskovec, banorët ankohen se përdorimi i gazit do të rrisë ndotjen
Top Channel/Lushnja merr më shumë para/ Rritet me 4 milionë euro buxheti. PD: Po bëhet për zgjedhjet
