“BE të rishqyrtojë sanksionet ndaj Rusisë”, Orban bën thirrje: Çmimet e energjisë duhet të ulen patjetër 15/11 11:02
Departamenti amerikan i Shtetit ka miratuar shitjen e serisë së avionëve F-16 Block 70 me vlerë 4,21 miliardë dollarë Jordanisë.
“Departamenti i Shtetit ka vendosur të miratojë shitjen e avionëve F-16 C/D Block 70 dhe pajisjeve përkatëse me një kosto të vlerësuar prej 4,21 miliardë dollarësh Jordanisë”, thuhet në një deklaratë me shkrim nga Agjencia e Bashkëpunimit për Siguri dhe Mbrojtje e SHBA-së.
Kongresit i është dërguar njoftim në lidhje me miratimin e shitjes, thuhet në deklaratë, e cila shton se në paketën e shitjes janë përfshirë 12 avionë F-16C Block 70 dhe katër F-16D Block 70, si dhe pesë motorë rezervë dhe pajisje të tjera mbështetëse.
Në deklaratë theksohet se shitja do të japë një kontribut të rëndësishëm për sigurinë e Jordanisë, por nuk do të ndryshojë ekuilibrin e fuqisë në rajon.
Miratimet e Departamentit të Shtetit për shitjen e armëve thjesht nënkuptojnë se shitja nuk paraqet problem për administratën amerikane.
Nëse Kongresi Amerikan nuk kundërshton vendimin e Departamentit brenda 30 ditëve pune, administrata fillon negociatat për përmbajtjen e paketës së shitjes me shtetin për të cilin është miratuar shitja.
Në përfundim të këtyre negociatave, SHBA-ja i ofron letër oferte atij vendi. Nëse oferta merr përgjigje pozitive, zhvillohet procesi i blerjes.
Top Channel
