BE-ja paralajmëron Rusinë për sanksione të ashpra

Këto komente Michel i ka bërë pas takimit me kryeministrin e Austrisë, Karl Nehammer, me ç’rast tha se prania e Rusisë në kufirin e Ukrainës është shqetësuese.

Ai bëri të ditur se kanë nisur bisedimet diplomatike në formate të ndryshme ndërsa tërhoqi vëmendjen për të vepruar në unitet brenda BE-së lidhur me tensione në fjalë, raporton atsh.

“Të gjithë duam të jemi të përgatitur në rast të një sulmi ushtarak. Në një situatë të tillë do të detyrohemi të aplikojmë sanksione shumë të ashpra. Këtë nuk e dëshirojmë por kurrë nuk do të përulemi kur bëhet fjalë për të mbrojtur stabilitetin dhe sigurinë tonë”, deklaroi Michel.

Ai vuri në dukje se me rrugë diplomatike janë bërë përpjekje serioze për uljen e tensioneve dhe për arritjen e një rezultati derisa nënvizoi se nëse tensionet nuk zgjidhen me rrugë diplomatike është e nevojshme që brenda BE-së të veprohet në mënyrë të bashkuar dhe të vendosur si dhe të sigurohet një unitet për t’u kundërpërgjigjur.

“Një kërcënim kundër Ukrainës nënkupton Evropën madje edhe më shumë”, theksoi Michel i cili shtoi se janë në solidaritet me sovranitetin dhe integritetin territorial të këtij vendi dhe se pavarësisht zhvillimeve shumë shqetësuese po bëjnë përpjekje që ndaj problemit të gjejnë zgjidhje me rrugë diplomatike.

Top Channel