A do ketë një kundërsulm nga Irani drejt Izraelit? Komandanti Iranian: Nuk ka dëme nga sulmi, zona është e sigurt 19/04 08:22
Një festë shumë popullore në SHBA, Halloweeni ka pushtuar tashmë edhe pjesë të ndryshme të botës me drithërimat e tij. Njerëzit vërshojnë të blejnë kostume, apo blejnë bileta për të hyrë në shtëpitë e “tmerrit” ndërsa aktorët nisin përgatitjet për artin e frikësimit.
Fëmijët janë ata që e shijojnë ndoshta më shumë se kushdo tjetër këtë festë kur me thirrjet “rreng apo ëmbëlsirë” trokasin nëpër shtëpi duke mbledhur karamele, me fytyrën të ngjyrosur e të veshur në mënyrat më të çuditshme.
Por në Dubai, u shkua edhe më larg se kaq. Syri i Dubait, rrota më e lartë panoramike në botë, u ndriçua nga ngjyra të forta dhe figura të frikshme, në një show që ngjasonte me ato të kremtimeve të ndërrimit të viteve.
Origjina e largët e Halloween-it mendohet të datojë që 2000 vjet përpara nga një festival kelt i quajtur Samhain, i cili shënonte fundit e sezonit të të korrave dhe fillimit të dimrit.
Njerëzit atëherë kërcenin përpara një zjarri të ndezur të veshur me kostume frikësuese, me qëllimin të largonin shpirtrat e këqij.
Top Channel
