Stafeta e zjarrit olimpik/ Pas nisjes nga Olimpia, flaka qëndron në akropolin e Athinës
20/04 14:07
Aeroporti Stansted në Londër është evakuuar pasi një pako e dyshimtë u gjet në zonën e sigurisë. Pasagjerët që do udhëtonin u evakuuan pjesërisht nga Terminali 1, këtë pasdite.
Jo shumë kohë më vonë, të gjithë pasagjerëve dhe personelit iu kërkua të largoheshin tërësisht nga ndërtesa dhe tani janë duke qëndruar në rrugë në pjesën e përparme të aeroportit.
Një pasagjer i tha ‘MailOnline’ se një anëtar i stafit i kishte thënë që besonte se ishte një ‘incident serioz’. Më pas stafi është lejuar të kthehet në ndërtesë, por pasagjerët janë ende duke pritur jashtë terminalit edhe tashmë kur janë bërë gati katër orë nga alarmi.
Ricardo Cardoso shkroi në Tëitter nga aeroporti i Stansted: ‘Një përfaqësues i Ryanair, i cili ka mbetur gjithashtu i bllokuar jashtë terminalit, më tha se fluturimet do të rinisin dhe ne do të marrim një vend të ri, pa pagesë, në fluturimin tjetër të disponueshëm, ndoshta sot ose nesër.’
Top Channel
