BE-ja do të godasë firmat kineze me sanksione për mbështetjen e Rusisë në Ukrainë 26/11 08:35
Dy gazetarë u shpallën fitues të Çmimit Nobel për Paqen.
Çmimi Nobel për Paqen për vitin 2021 iu dha gazetarëve dhe aktivistëve të fjalës së lirë Maria Ressa nga Filipinet dhe Dmitry Muratov nga Rusia.
Kryetari i komitetit, Berit Reiss-Andersen, tha se çmimet janë bërë për “përpjekjet e tyre për të mbrojtur lirinë e shprehjes, e cila është një parakusht për demokracinë dhe paqen e qëndrueshme”.
Dmitry Muratov është gazetar rus dhe kryeredaktor i gazetës “Novaya Gazeta”, e përshkruar nga Komiteti për Mbrojtjen e Gazetarëve si “e vetmja gazetë vërtet kritike me ndikim kombëtar në Rusi sot”.
Muratov fitoi një Çmim Ndërkombëtar të Lirisë së Shtypit në vitin 2007 për guximin e tij në mbrojtjen e lirisë së shtypit përballë sulmeve, kërcënimeve dhe burgimit.
Maria Ressa është një gazetare dhe autore filipino-amerikane, bashkëthemeluese dhe CEO e Rappler, e cila kaloi gati dy dekada si reportere investigative në Azinë Juglindore për CNN.
Në vitin 2020 ajo u dënua për shpifje sipas një ligji të diskutueshëm të Filipineve kundër krimit në internet, një veprim i dënuar gjerësisht nga grupet e të drejtave dhe gazetarët si një sulm ndaj lirisë së shtypit.
Top Channel
