Një aeroplan me dy vende rrëzohet në Filadelfia, plagosen pasagjerët 01/04 22:36
Kryeministri spanjoll, Pedro Sanchez, ka propozuar që të rinjve spanjollë t’u ofrohet një bonus mujor, për t’i ndihmuar ata të lënë shtëpinë e prindërve dhe të paguajnë qiranë.
Sánchez tha se bonusi mujor do të ishte 250 € dhe do t’i jepej atyre për dy vite rresht. Projektligji për qiranë pritet të fusë kufijtë e qirasë për pronarët e mëdhenj të pronave, veçanërisht në zonat ku qiraja është rritur vitet e fundit, shkruan BBC.
Sipas planeve të kryeministrit, të rinjtë nën 35 vjeç që fitojnë më pak se 23,725 € në vit e përfitojnë bonusin.
Kjo do të thotë se më pak se një në katër shtëpi janë në dispozicion me qira dhe në qytetet e mëdha të Madridit dhe Barcelonës, qiratë kanë qenë në rritje, ndërsa të ardhurat kanë rënë me mbi 7% në vetëm një vit për shkak të pandemisë covid-19.
“Strehimi është një problem serioz në vendin tonë,” tha Sanchez.
Sipas shifrave të Eurostat, spanjollët largohen nga shtëpia e prindërve në moshën 30 vjeç, gati katër vjet më vonë se mesatarja e BE -së. Dhe që nga kulmi i lulëzimit të fundit ekonomik të Spanjës në 2007, përqindja e 16-29-vjeçarëve, që kanë lënë shtëpinë ka rënë në mënyrë të qëndrueshme, nga 26% në 16% vitin e kaluar.
Top Channel
