Sulm me dron në Kuvajt, dy persona të plagosur pas goditjes së një ndërtese 12/03 20:57
Një shtetas britanik është arrestuar në Gjermani nën dyshimin për spiunazh për Rusinë.
Prokurorët federalë gjermanë thanë se personi – i identifikuar vetëm si David S – punonte në ambasadën britanike në Berlin.
Ai dyshohet se i kaloi dokumente inteligjencës ruse “të paktën një herë” në këmbim të një “sasie të panjohur” parash.
57-vjeçari u arrestua në Potsdam jashtë Berlinit të martën dhe shtëpia dhe vendi i tij i punës janë kontrolluar.
Një zëdhënës i ministrisë së jashtme gjermane tha se Berlini po e merrte çështjen “shumë seriozisht” dhe tha se spiunimi nga “një partner i ngushtë i aleancës në tokën gjermane është i papranueshëm”.
Arrestimi ishte rezultat i një hetimi të përbashkët Britanik-Gjerman, thuhet në deklaratë.
Autoritetet gjermane janë përgjegjëse për hetimin, por oficerët do të vazhdojnë të punojnë me homologët gjermanë, tha policia.
I arrestuari do të dalë para një gjykatësi të mërkurën.
Top Channel
