Zbulohen detajet tronditëse rreth vdekjes së Liam Payne/ Këngëtari u hodh vetë nga ballkoni i hotelit, po përpiqej të arratisej nga… 25/11 16:24
Artisti i njohur, Vedat Ademi u shpreh në “Pushime On Top” se së shpejti pritet të mbajë një koncert recital. Por, duket se kjo nuk është surpriza e vetme nga Vedati, pasi ai bëri të ditur se pritet edhe diçka tjetër e madhe.
“Dua që të bëj një koncert recital. Përveçse një recital dua të bëj dhe diçka tjetër që ndoshta do jetë pak më e madhe sesa aq, që ka të bëjë me mua, me karrierën time ndoshta dhe me jetën time në muzikë. Do të përfshijë sigurisht edhe familjen time e gjithë gjërat që unë kam kaluar në muzikë.
Shpresoj që koncerti recital të realizohet. Janë shumë njerëz që vazhdimisht më shkruajnë dhe duan diçka nga unë. Edhe mua personalisht më mungon shumë publiku i Tiranës”, tha këngëtari në “Pushime On Top”.
Por, kësaj vere nuk mund t’i mungonte një këngë nga Vedati dhe në muajin gusht, ai do të sjellë një bashkëpunim me një artiste të re.
“Është një bashkëpunim që po punoj unë me një vajzë të re dhe të talentuar, Redina Trieshi. Ka zë të veçantë. Është këngë verore, e kësaj natyre pak a shumë që kam nxjerr deri tani”, theksoi ai.
Top Channel
