Irani konfirmon se do t’i diskutojë çështjet bërthamore me tri shtete perëndimore/ Pritet të gjejë zgjidhje para rikthimit të Trump 24/11 15:21
Është gjetur i vdekur dje në qelinë e tij një burrë nga Utah në SHBA, që kishte vrarë bashkëshorten në një incident të rëndë gjatë pushimeve me kroçerë në Alaska.
43 vjeçari Kenneth Manzanares, i cili u shpall fajtor për vrasjen e gruas së tij Kristy në 2017 kur i tha se donte ta divorconte, është gjetur i vdekur në qelinë e tij në burgun e Juneau, Alaska. Ai ishte denuar me 30 vjet burg.
Ndaj tij ishin tentuar procedura shpëtimi por u shpall më vonë i vdekur.
Manzanares është personi i shtatë që vdes në këtë burg sivjet.
Zëdhënësja e institucionit Betsy Holley, tha në një email Friday se informacionet mjekësore për të burgosurit janë konfidenciale, por në vdekjen e Manzanares nuk kishte ndërhyrje të dyshimta dhe ai besohet se është vetëvrarë.
Ajo shtoi se Manzanares ishte vetëm në qelinë e tij kur u gjet nga oficerët.
Vitin e kaluar Manzanares u shpall fajtor për “vrasje të gradës së dytë” me rrahjen për vdekje të gruas, 39-vjeçares Kristy Manzanares nga Utah, gjatë udhëtimit me krocerë në 2017.
Vrasja ndodhi teksa çifti dhe tre bijat e tyre ishin me pushime në anijen Emerald Princess kur pas një argumenti të nxehur Kristy i tha të shoqit se donte divorcin.
Tre vajzat e çiftit Manzanares kishin dëgjuar ulërimat e nënës së tyre teksa babai e qëllonte në kokë me grushte, shkruan Associated Press.
Në udhëtimin e pushimeve kishte gjithashtu të afërm të çiftit. Bashkëshorti kishte humbur kontrollin kur Kristy kishte qeshur me të, dhe i kishte thënë se donte divorcin.
Gjykatësi Timothy Burgess dënoi Kenneth me 30 vjet burg dhe pesë vjet liri me kusht pasi Kenneth pranoi akuzën e vrasjes së gradës së dytë.
Avokatët e burrit argumentonin se shpërthimi i tij i papritur erdhi si pasojë e një çrregullimi bipolar të padiagnostikuar dhe kërkonin dënim më të butë, ndërsa prokurorët kërkonin dënimin e tij përjetë.
Top Channel
