Armëmbajtje pa leje dhe thyerje e arrestit shtëpiak/ Dy të arrestuar gjatë natës në Shkodër, nën hetim drejtuesi i automjetit me të cilin udhëtonin 24/11 10:15
Dy vëllezër afrikanë janë zhdukur së bashku me 69 mijë kriptmonedhat e tyre Bitcoin që kapnin vlerën e 3.6 bilion dollarëve apo rreth 5 miliardë lekëve.
Dy vëllezërit, administratorë të kompanisë AfriCypt, nuk gjenden prej muajsh dhe çështja i ka kaluar njësisë speciale të policisë Afrikano-Jugore “Hawks”, që ka filluar kërkimin e tyre.
Ky është edhe mashtrimi më i madh në botën e kriptmonedhave deri më tani. Mashtrimi filloi në prillin e vitit të kaluar, kur Bitcoin ishte në nivelet më të larta të çmimit dhe administratorët Raees and Ameer Cajee njoftonin klientët se ishin bërë pesë e një sulmi kibernetik dhe se hakerat kishin vjedhur paratë e tyre.
Kjo alarmoi investitorët, të cilët ngritën akuza ligjore dhe një investigim filloi mbi kompaninë, ku u zbulua se fondet e klientëve ishin transferuar nëpërmjet kanaleve të ndryshme duke i bërë ato të pagjurmueshme.
Dy vëllezërit ishin edhe rast suksesi në Afrikën e Jugut, sepse në moshë fare të re kishin themeluar një kompani që vlerësohej në bilionë dollarë. Incidenti ka nxitur ligjvënësit të vënë rregulla më të forta në botën e kriptomonedhave.
Kina gjithashtu ka urdhëruar ndalimin e të gjitha operacioneve me Bitcoin si dhe të personave që bëjnë “mining”, që janë të rëndësishëm për verifikimin e transaksioneve dhe prodhimin e monedhave të reja.
Çmimi i Bitcoin ka shkuar poshtë 30 mijë dollarë dhe është në nivelet më të ulëta që prej muajit mars të 2020-ës, duke fshirë nga tregu bilionë dollarë.
Top Channel
