Nisin votimet në SHBA, ja kur pritet të shpallet fituesi i zgjedhjeve presidenciale 05/11 11:17
Forcat izraelite kanë vrarë dje një shofer palestinez që përplasi makinën e tij me një postbllok, duke plagosur katër oficerë, në nje nga zonat problematike të Jeruzalemit.
Incidenti ndodhi në Sheikh Jarrah, në zonat e aneksuara të Jeruzalemit Lindor, ku një gjyq është duke vendosur për dëbimin e disa familjeve palestineze nga shtëpitë e tyre për të vendosur aty kolonë hebrenj.
Në pamjet e agjencisë Reuters tregohej makina që përplasej me shpejtësi në bllokadën, në atë që policia quante sulm i qëllimshëm. Oficerët hapën zjarr duke vrarë shoferin e makinës, emri i të cilit nuk u publikua.
Abu Ubaida, zëdhënesi i Hamas në Gaza, vlerësoi atë që quante “veprim heroik dhe i guximshëm” në Sheikh Jarrah.
Hamas ka vijuar lëshimin e raketave artizanale ndaj Izraelit, pas gati dy javë tensionesh prej shtypjes izraelite ndaj besimtarëve në xhaminë e Al Aqsa në Jeruzalem, dhe planet për dëbimet nga shtëpia të palestinezëve në Sheikh Jarrah.
Mbrëmë policia izraelite solli blloqe betoni me vinça për të bllokuar hyrjen në zonën e dëbimeve të mundshme nga shtëpitë.
Ndërsa nga Gaza vinin pamje shokuese të fëmijëve të vrarë që nxirreshin nga rrënojat pas një tjetër nate sulmesh ajrore nga avionët e artileria izraelite.
Sipas raportimeve, mjeku i njohur palestinez Dr Moeen Alalool ishte mes të vrarëve nga sulmet ajrore në Gaza.
Neurologu Dr Alalool, ishte vrarë bashkë me pesë fëmijët e tij.
Top Channel
