Operacion antidrogë në Durrës/ Policia prangos 2 persona, sekuestrohet 1 kg kokainë
11/05/2021 18:05
“Zgjidhje prej Pelivani”, Këshilli i Lartë i Prokurorisë nxjerr në pension prokurorin para seancës në KPA 26/04 14:07
Një operacion antidrogë është zhvilluar ditën e sotme në zonën e Plazhit në Durrës, ku janë arrestuar dy persona dhe është sekuestruar 1 kg kokainë.
Njëri nga policët është detyruar të qëllojë në ajër pasi dy djemtë me precedent të theksuar kriminal në fushën e narkotikeve kanë tentuar të largohen dhe kanë kundërshtuar policët.
Fatmirësisht nuk ka të plagosur apo të lënduar, ndërsa forcat blu kanë prangosur V.M., 29 vjeç dhe E.SH., 30 vjeç. Sipas njoftimit operacioni vijon ende.
Informacion paraprak
Policia e Durrësit ishte në operacion në lagjen nr 13 Plazh për të kapur një grup që merrej me shpërndarjen e lëndëve narkotike Kokainë . Gjatë operacionit dy persona me precedent të theksuar kriminal në fushën e narkotikeve kanë kundërshtuar me dhunë policinë dhe kanë tentuar të largohen ndërkohë që një prej punonjësve të policisë ka qëlluar në ajër për ti neutralizuar. Policia ka prangosur dy persona , V.M., 29 vjeç dhe E.SH., 30 vjec dhe ka sekuestruar deri tani rreth një kilogramë kokainë.Vijon operacioni
Top Channel
