Projeksioni, si do të duket parlamenti i ardhshëm gjerman? 23/02 19:43
Njësitë e para speciale të tankeve robotë do te hyjnë në shërbim me ushtrinë e Rusisë, në një kohë tensionesh konflikti me Ukrainën fqinje.
Ministri rus i mbrojtjes Sergei Shoigu inspektoi dje forcën e re të zjarrit pa pilotë, në qendrën e prodhimit në Nakhabino pranë Moskës.
“Njësia e parë goditëse e robotëve do të krijohet në ushtrinë ruse me sistemet luftarake Uran-9, ose rreth 20 mjete luftimi te komanduara ne distance”, njoftonte ministria e mbrojtjes.
Në një video të shpërndarë nga ministria shihet në veprim tanku pa pilot.
Ai është i armatosur me një mitraloz 30mm, raketa anti-tank Ataka dhe flakëhedhëse Shmel.
Ushtria ruse zotëron tashmë robotë për pastrimin e minave të quajtur Uran-6, robotë zjarrfikës Uran-14, si dhe një tip tjetër robotësh sulmi Uran-9, ndersa është duke punuar për robotët nënujorë.
Ministri Shoigu ka urdhëruar dizenjatorët të përmirësojnë kapacitete e mjeteve ushtarake pa pilotë, për të përmirësuar mbijetesën e tyre në kushte radiacioni të fortë elektromagnetik dhe ndotje radio-aktive.
Top Channel
