Apeloi vendimin, Gjykata franceze pritet të vendosë sot nëse Sarkozi do të dalë nga burgu 10/11 10:42
Pekini ka më shumë miliarderë sesa çdo qytet tjetër në botë, sipas listës vjetore të përpiluar nga revista Forbes.
Kryeqyteti kinez ka shtuar 33 miliarderë vitin e kaluar dhe tani është vendi ku jetojnë plot 100 të tillë, ka thënë revista.
Ky qytet ka mposhtur qytetin e New York-ut me rezultat të ngushtë, pasi ky i fundit ka 99 miliarderë në territorin e vet, dhe ka mbajtur vendin e parë në shtatë vjetët e fundit. Ndalja e shpejtë e koronavirusit në Kinë dhe rritja e kompanive të teknologjisë ka ndihmuar në këtë rritje.
Mirëpo, pavarësisht pse Pekini ka më shumë miliarderë, mbledhja e pasurisë së miliarderëve në Shtetet e Bashkuara vazhdon të jetë për 80 miliardë dollarë më e lartë sesa e atyre që janë në Pekin. Banori më i pasur i kryeqytetit kinez është Zhang Yiming, themelues i aplikacionit TikTok dhe shef ekzekutiv i kompanisë simotër ByteDance. Pasuria e tij është dyfishuar dhe tani ka arritur në 35.6 miliardë dollarë.
Në krahasim me të, banori më i pasur i New York-ut, ish-kryetari i këtij qyteti Michael Bloomberg, ka pasuri prej 59 miliardë dollarëve.
Top Channel
