Dronët rusë u shfaqën pranë avionit të Zelenskyt në Moldavi, presidenti ukrainas: Mendoj se e dinin që isha atje 16/09 09:52
Skema e ngjyrave
Madhësia e shkrimit
Presidentja e Komisionit Evropian, Ursula von der Leyen, ka paralajmëruar se marrëdhënia tregtare mes Bashkimit Evropian dhe Kinës është bërë “e paqëndrueshme” dhe se ajo duhet të ribalancohet.
Duke iu drejtuar konkretisht Kinës, von der Leyen tha se deficiti tregtar i BE-së me Kinën ka arritur në rreth 1 miliard euro në ditë, duke e cilësuar këtë situatë si një nivel që nuk mund të vazhdojë. “Disa thonë se shoku i dytë i Kinës po afron, por ai është tashmë këtu”, tha von der Leyen, duke iu referuar ndikimit të konkurrencës kineze në ekonominë evropiane.
Sipas saj, pasojat janë të dukshme në komunitete dhe fabrika në vende të ndryshme të Bashkimit Evropian, ndërsa ajo paralajmëroi për rrezikun e deindustrializimit të zonave industriale të Evropës. “Kjo është e paqëndrueshme”, theksoi presidentja e Komisionit Evropian.
Von der Leyen deklaroi se BE-ja do të përdorë të gjitha mjetet që ka në dispozicion për të ribalancuar marrëdhëniet tregtare me Kinën.
Një tjetër çështje e ngritur prej saj ishte diversifikimi i burimeve të lëndëve të para kritike, me synimin për të reduktuar varësinë nga një numër i kufizuar furnizuesish.
Reagimi i von der Leyen vjen në një kohë kur marrëdhëniet ekonomike mes BE-së dhe Kinës përballen me debate mbi konkurrencën, importet dhe varësinë e industrisë evropiane nga tregu kinez.
Top Channel
