Dhunë ndaj policisë në Holandë gjatë natës së Vitit të Ri, dy persona humbin jetën dhe dhjetëra të plagosur 01/01 20:05
Ambasadori rus Sergey Razov u thirr ne ministrine e jashtme italiane
Italia ka dëbuar sot dy zyrtarë rusë pas arrestimit të një oficeri të marinës italiane që po i shiste një prej tyre dokumente konfidenciale ushtarake.
Policia tha se kishte ndërhyrë në një “takim klandestin” mes zyrtarëve ushtarakë, njëri italian e tjetri rus, sipas tyre “menjëherë pas transferimit të një dokumenti nga zyrtari italian, në këmbim të një shume parash”.
Të dy të përfshirët u akuzuan për shkelje të lidhura me spiunazh dhe sigurinë kombëtare, tha policia. “Zyrtari italian është dërguar në paraburgim, ndërsa për shtetasin e huaj po merret në konsideratë statusi i tij diplomatik”, tha në autoritetet.
Ndërkohë ministria e jashtme italiane thirri ambasadorin rus Sergey Razov, për të diskutuar çështjen. Minsitri i jashtëm Luigi Di Maio, njoftoi më vonë se dy zyrtarë rusë “të përfshirë në këtë cështje serioze” ishin dëbuar. Këta të fundit raportohet se ishin zyrtari i takimit dhe eprori i tij.
Ambasada ruse pranoi ndalimin e një anëtari të stafit të atasheut ushtarak, por nuk komentoi më gjatë. “Rrethanat e incidentit janë ende objekt i hetimit. Për momentin ne nuk e mendojmë të arsyeshme të komentojmë atë që ndodhi por shpresojmë që kjo të mos ndikojë në marrëdhëniet bilaterale mes Rusisë e Italisë”.
Takimi misterioz kishte ndodhur në parkingun e një qendre tregtare në Romë, në të cilin oficeri italian kishte marrë €5,000 para të thata, në këmbim të dokumenteve që raportohet se vinin nga një njësi e ministrisë italiane të mbrojtjes.
‘Corriere della Sera’ shkonte edhe më tej duke thënë se oficeri i kishte shitur agjentëve ruse dosje “top secret” të NATO-s, me informacione të komunikimeve ushtarake.
‘La Repubblica’ shkruante se ky ishte incidenti më serioz me Rusinë që prej fundit të Luftës së Ftohtë, kur në 1989 u zbuluan spiunë rusë e bullgarë.
Top Channel
