Avioni përplaset me disa kamionë teksa zbriste në pistë, tre të plagosur 17/11 22:57
Agjencia rregullator e Barnave në BE, tha se nuk kishte gjetur asnjë faktor rreziku specifik, përfshirë moshën, për vaksinën anticovid të Astrazeneca-s, por edhe nënvizoi se po vijon akoma më tej me analizat.
“Për momentin, rivlerësimi ynë nuk ka identifikuar faktorë specifikë rreziku si mosha, gjinia apo një histori e mëparshme mjekësore për rastet e mpiksjes së gjakut” tha EMA në një deklaratë.
Një lidhje rastësore me vaksinën nuk është provuar por ajo është e mundur dhe analizat po vazhdojnë më tej – shtonte deklarata. Agjencia i kërkoi personave të vaksinuar të ishin të ndërgjegjshëm për mundësinë minimale të ndeshjes së këtyre rasteve.
EMA vazhdon të punojë me autoritetet kombëtare në BE për të siguruar që rastet e dyshuara të mpiksjeve të pazakonta të gjakut të raportohen. Më 18 mars, EMA kishte deklaruar se përfitimet nga vaksina në luftën kundër koronavirusit i tejkalonin rreziqet.
Edhe OBSH ka mbajtur të njëjtin qëndrim dhe ka rekomanduar që vaksina të vazhdojë të administrohet ndërsa vazhdojnë vlerësimet për sigurinë e saj.
Vlerësimi më i fundit i EMA-s erdhi pasi Berlini dhe Mynihu në gjermani, një ditë më parë, ndërprenë vaksinimin me Astrazeneka të personave nën 60 vjeç ndërkohë që të mërkurën gjermania ndryshoi kurs duke i dhënë dritën jeshile AstraZeneca-s vetëm për personat mbi 60 vjeç.
Top Channel
