Personi që shihni në foto është i riu i ekzekutuar me breshëri automatiku mbrëmjen e djeshme në qytetin e Durrësit.
Viktima është identifikuar si Ilir Kuçi, i cili fillimisht mbeti i plagosur, por ndërroi jetë vetëm pak minuta më pas në spitalin rajonal të Durrësit.
Ilir Kuçi, nga kqyrja e sistemit rezulton që të ketë ndryshuar emrin nga Edmir Begu në Ilir Kuci apo edhe Jetmir Begu. Fillimisht u raportua për një konflikt çasti, por burime për Top Channel mësojnë se autorët kanë qëlluar me breshëri kallashnikovi drejt 38-vjeçarit, që s’mundi t’i rezistojë plagëve të marra.
Ngjarja dyshohet se ka shkak prishjen e pazareve të drogës, ndërsa viktima ka lëvizur disa herë drejt Italisë.
Për shkak të motit të keq, në zonë kishte shumë pak lëvizje njerëzish, gjë që i favorizoi autorët. Ata mundën që t’i iknin edhe policisë pas të shtënave në breshëri.
Top Channel
