Hezbollahu sulmon Izraelin me 250 raketa dhe predha! 24/11 20:21
WASHINGTON, DC - NOVEMBER 26: President Donald Trump speaks in the Diplomatic Room of the White House on Thanksgiving on November 26, 2020 in Washington, DC. Trump had earlier made the traditional call to members of the military stationed abroad through video teleconference. (Photo by Erin Schaff - Pool/Getty Images)
Gjyqi në Senatin amerikan për ish-presidentin e Shteteve të Bashkuara, Donald Trump, me akuzat për “nxitje të kryengritjes” për shkak të dhunës vdekjeprurëse në Kongres, do të nisë më 8 shkurt.
Lideri i shumicës në Senat, demokrati, Chuck Schumer, ka bërë këtë njoftim pasi ka diskutuar këtë çështje me republikanët.
Udhëheqësja e Dhomës së Përfaqësuesve Nancy Pelosi planifikon të dërgojë padinë kundër Trumpit në Senat më 25 janar, për të nisur procedurat fillestare në ditën pasuese.
“Gjyqi do të mbahet në Senatin e Shteteve të Bashkuara dhe do të ketë votim nëse duhet të dënohet presidenti”, ka thënë Schumer në një fjalim në dhomën e Senatit. Donald Trump duke u larguar nga Shtëpia e Bardhë më 20 janar, pas përfundimit të mandatit katërvjeçar si president. Trump – presidenti i parë amerikan ndaj të cilit janë ngritur dy herë akuza për shkarkim, dhe i pari që gjykohet pasi i ka skaduar mandati – është nisur drejt Floridas më 20 janar, duke mos marrë pjesë në inaugurimin e pasardhësit të tij Joe Biden. Sulmi ndaj Kongresit më 6 janar, nga protestuesit pro Trumpit ka rezultuar me vdekjen e pesë personave, duke përfshirë një zyrtar policor. Dhuna në Kongres ka shpërthyer pasi Trump ka pretenduar disa herë – pa ofruar fakte – se ai ka fituar zgjedhjet e 3 nëntorit dhe se procesi është manipuluar.
Top Channel
