Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Një modele shtatzënë është arrestuar dje në Brazil për inskenimin e pengmarrjes së saj, teksa tentonte të zhvaste paratë e shpërblesës nga vetë mamaja e saj.
Bukuroshja braziliane Lauren Adana Lorenzetti përballet tashmë me gjashtë vjet burg pasi ish i dashuri dhe të njohurit e ndihmuan në realizimin e pengmarrjes së rreme.
31-vjeçarja u arrestua në shtëpinë e saj në Santana de Parnaiba, pas pengmarrjes së rreme që kishte ndodhur një dekadë më parë.
Më 18 prill 2010, dy shoqe të Adana dhe i dashuri i saj morën pjesë në komplot. Vajza kishte shkuar në shtëpinë e shoqes së saj dhe kjo e fundit kishte telefonuar nënën e Adana për të kërkuar 1,000 real brazilianë $400) .
Më pas i dashuri i Adanas kërkoi 100,000 real ($35,000) nga e ëma për lirimin e të bijës.
Por pas telefonatave shqetësuese Vanessa Dallagnol Bassani telefonoi policinë.
I dashuri i atëhershëm i Adanas, i kërkoi të ëmës të largonte policinë nga çështja përndryshe do të vriste vajzën e saj.
Por teksa çështja po përshkallëzohej, bashkëpunëtorët e komplotit u përfshinë nga paniku dhe vendosën të heqin dorë.
Prandaj Adana u largua nga apartamenti i shoqes së saj dhe i telefonoi nënës për t’i kërkuar të vinte ta merrte.
Ish fituesja e Miss Renascenca në 2012 dhe Miss Parana Popularidade në 2013, është arrestuar dhe akuzuar për zhvatje parash.
Ish-i dashuri pjesëmarrës në komplot tashmë ka vdekur, ndërsa vetëm një nga anëtarët e konspiracionit është në kërkim.
Top Channel
