Trump bën zgjedhjen e radhës në administratë, emëron Chris Wright si Sekretar të Energjisë 17/11 17:22
Organizata Botërore e Shëndetësisë u bëri thirrje vendeve europiane të bëjnë më shumë për të frenuar një variant të ri të koronavirusit, i cili është pikasur për herë të parë në Mbretërinë e Bashkuar.
Drejtori i OBSH-së për Evropën, Hans Kluge, tha se duhen masa më të ashpra për të “rrafshuar vijën vertikale” të rasteve në disa vende. Ai theksoi se 22 vende evropiane te kane tani variantin e ri tw virusit dhe këtë e cilësoi si një “situatë alarmante”. Ekspertët e shëndetit thonë se ky variant është dukshëm më i transmetueshëm sesa llojet e mëparshme, por jo domosdoshmërisht më i rrezikshëm për të infektuarit.
Ata gjithashtu e kanë minimizuar mundësinë që vaksinat të mos jenë efektive ndaj tij. Në Evropë, vendet me numrin më të madh të të infektuarve janë: Mbretëria e Bashkuar me 2.8 milionë, Franca me 2.7 milionë dhe Italia me 2.2 milionë.Numrin më të madh të viktimave e ka Mbretëria e Bashkuar: mbi 78,000.
“Pa kontroll të shtuar për të ngadalësuar përhapjen e variantit, do të ketë një ndikim të shtuar në objektet shëndetësore, të cilat tashmë janë nën presion”, tha Kluge.
Sipas OBSH-së, mbi 230 milionë njerëz në Evropë janë duke jetuar në vende që janë nën izolim të plotë kombëtar.Në të gjithë botën, sëmundja COVID-19, që e shkakton koronavirusi, ka prekur mbi 88 milionë njerëz, prej të cilëve, mbi 1.8 milion kanë humbur jetën.
Top Channel
