Dronët ukrainas godasin objektet e energjisë dhe karburantit, shpërthen në flakë rafineria ruse e naftës 24/04 14:02
Ish-kërkuesi i thellësive të detit Tommy Thompson, ankohet se nuk e mban mend se ku e zbuloi thesarin me 500 monedha të vjetra floriri, por qeveria amerikane beson ai thjesht nuk dëshiron ta tregojë.
Një gjuetar thesaresh në SHBA refuzon të tregojë vendndodhjen e një thesari rreth $2 milionë me 500 monedha të arta të humbura, edhe pse ka hyrë në vitin e pestë të burgimit.
Ish-zhytësi Tommy Thompson është burgosur për një kohë çuditërisht të gjatë me akuzën e përçmimi ndaj gjykatës.
Por limiti i zakonshëm prej 18-muajsh per kete akuze, nuk është ruajtur kësaj here teksa shkencëtari refuzon të tregojë vendndodhjen e thesarit të tij.
Zbulimi i tij daton prej vitit 1857, kur anija S.S Central America u fundos në brigjet e Karolinës së Jugut me një ngarkesë prej mijëra monedhash të arta në bord.
Thompson zbuloi rrënojën e anijes në 1988 – dhe bashkë me të edhe floririn, por ka refuzuar të tregojë vendndodhjen e tij.
Qeveria amerikane llogarit se vlera e thesarit të humbur është diku te $2 deri në $4 milionë, dhe i kërkon zhytësit të tregojë ku gjendet anija.
Telashet e Thompson sillen rreth çështjes së 161 investitorëve që raportohet se kanë paguar një total prej $1.2 milionë për të financuar kërkimet e tij, dhe e kanë paditur pasi nuk kanë parë t’i kthehet asnjë para.
Në vitin 2012, një gjykatës federal urdhëroi Thompson të tregonte vendndodhjen e monedhave, por gjuetari i thesareve u largua për në Florida ku jetonte me të dashurën në një hotel.
Ai u gjurmua nga autoritetet dhe u arrestua në 2015. Ai u dënua me dy vjet burgim për mosparaqitje në gjykatë dhe gjobë $250,000 dollarë, por dënimi është shtyrë deri në zgjidhjen e çështjes së vendndodhjes së monedhave.
Thompson refuzoi disa herë të tregonte për gjetjen e tij dhe në 2015 e shpalli fajtor për përçmim ndaj gjykatës dhe urdhëroi burgosjen e tij dhe gjobitje $1,000 në ditë, deri sa të tregojë për monedhat.
Në seancën e fundit zhytësi i thellësive tha se nuk e mbante mend se ku i kishte gjetur monedhat. 68 vjeçari ka hyrë tashmë në borxh $1.8 milionë në gjoba dhe vuan nga sindroma e lodhjes së vazhdueshme.
Por qeveria argumenton se Thompson refuzon të bashkëpunojë dhe se nuk ka lidhje mes shëndetit të tij dhe aftësisë për të treguar se ku ndodhen monedhat.
Top Channel
