Fermerët grekë vijojnë protestat, bllokime rrugësh dhe kufijsh gjatë gjithë festave 22/12 11:39
Një pedofil mizor që maskohej më parë duke punuar për grupin britanik të bamirësisë ‘Save the Children’, është dënuar me vdekje në vendin e tij Pakistan, pasi pranoi përdhunimin 30 fëmijëve, raportonin mediat vendase.
Sohail Ayaz mori tre dënime me vdekje për krimet e tij në Pakistan, dhe zyrtarët thanë se do të ekzekutohet me varje.
Njeriu i mbrapshtë u dënua në Pakistan për pengmarrjen e tre djemve të mitur, intoksikimin e tyre me droga dhe më pas përdhunimin e tyre, raportonte e përditshmja vendase Express Tribune.
“Ai ishte një hallkë malinje në mesin e shoqërisë civile dhe meriton asgjë përveç dënimit më të rëndë. Aktet për të cilat akuzohet janë çnjerëzore, më keq se të bishës, sepse edhe bisha më e keqe e njeh pafajësinë e këlyshëve të saj”, tha gjykatësi Jehangir Ali Gondal, duke i dhënë dënimin.
Ai shtoi: “I akuzuari nuk meriton mëshirë dhe as simpati në dënimin me vdekje. Do të varet në litar derisa të vdesë, kur kjo të konfirmohet nga gjykata e lartë e Lahore.”
Zyrtarët thanë se kishin gjetur materiale të shumta pornografike me fëmijë në kompjuterët e Ayaz, prej të cilave si kishte përfituar financiarisht, me regjistrimet dhe shitjen e akteve djallezore.
Ekonomisti i kualifikuar ishte punësuar me organizatën e bamirësisë Save the Children dhe megjithë ishte dënuar më parë për akte seksuale me fëmijë, organizata nuk kontrolloi të kaluarën e tij pasi detyra supozohej të mos kishte të bënte me fëmijët.
Rreth një dekadë më parë policia britanike u vu në alarm kur policia italiane i dha asaj britanike emrin e Ayaz, pasi i kishte premtuar një pedofili në Itali, fëmijë rumunë me të cilët të abuzonte.
Ayaz u arrestua në 2009 në ambjentet e grupit të bamirësisë dhe u dënua me katër vjet për pëdhunimin e një djali 14-vjeçar.
Policia gjeti qindra imazhe fëmijësh të abuzuar në shtëpinë e tij në Barking, në lindej të Londrës. Pas dënimit ai u deportua në Pakistan, ku tashmë është dënuar me vdekje.
Top Channel
