Zëvendës Ministrja e Shëndetësisë, Mira Rakacolli është shprehur se situata në shkolla aktualisht është nën kontroll pasi rastet e të infektuarve nuk kanë ndikuar në numrin e përgjithshëm.
Prandaj Rakacolli ka deklaruar se aktualisht nuk është e nevojshme vendosja e masave kufizuese ndaj shkollave.
“Maskat kanë dhënë rezultat pasi në të kundërt shifrat do të ishin detyrimisht më të larta. Gjatë hetimit epidemiologjik, më të shumtat e rasteve nuk i kanë përdorur maskat në shumë raste. Unë shpjegova që çdo masë që merret, merret për shkak të shifrave. Ne nuk na rezulton që në shkolla të kenë një shpërndarje më të madhe të koronavirusit. Ne po vazhdojmë monitorimin dhe gjithmonë masat do të jenë në dinamikë me rritjen e të infektuarve. Shkollat nuk kanë influencuar në rëndimin e situatës” – tha Rakacolli.
Top Channel
