Kanali i Top Channel në Youtube” arrin një tjetër rekord të ri, 4.2 milionë në ditë vetëm në datën 26 tetor 2020.
Shikueshmëria e lartë e të gjitha prodhimeve të Top Channel e tregojnë edhe klikimet që na vijnë në kanalin e Top Channel në Youtube.
Shikuesit e programeve tona janë shqiptarët në të gjithë botën. Të gjitha këto tregojnë një vlerësim dhe besim për çdo informacion dhe program që transmetohet tek publiku.
Reality show “Përputhen” në ekranin e Top Channel ka arritur 1.1 milion për dy javë. Emisioni ka tërhequr vëmendjen e shikuesve, kryesisht të rinj, të cilët gozhdohen para ekranit nga e hëna në të premte. Këto shifra janë të pakrahasueshme me asnjë prodhim tjetër televiziv.
“Shiko kush LUAN” nën autorësinë dhe drejtimin e Luana Vjollcës është rikthyer në sezonin e katërt sërish me rekorde shikueshmërie.
Nuk mund të lemë pa përmendur edhe Hell’s Kitchen. Një tjetër show argëtues dhe shumë i komentuar. Gjithashtu emisionet “Fiks Fare”, “E Diell”, “Shqipëria Live”, “Open” dhe show argëtues i mbrëmjes “Portokalli” kanë qenë preferenca e publikut.
Edicion Informativ i lajmeve në Top Channel është gjithashtu një ndër më të klikuarat në kanalin e Top Channel në “Youtube”.
Ky nivel i lartë shikueshmërie u rrit edhe kur vendi ynë u godit nga tërmeti i 26 Nëntorit 2019. Ekipet e Top Channel dolën menjëherë në terren nga ku për disa ditë raportuan non-stop nga zonat më të shkatërruara, që nga operacionet e kërkim-shpëtimit e deri tek përjetimet më të dhimbshme.
Një tjetër ngjarje e rëndësishme që është aktuale edhe sot: Virusi COVID-19. Kjo ishte një tjetër sfidë ku Top Channel ka qëndruar pranë të gjithë shqiptarëve për t’i informuar. Me anë të shifrave të klikimeve që ne na vijnë tregon se na kanë ndjekur minutë pas minuti gjithçka ka ndodhur në Shqipëri. Në një edicion maratonë të Departamentit të Informacionit në Top Channel është raportuar nga çdo qytet i Shqipërisë, nga Kosova, Italia dhe shumë vende të botës.
Gjithashtu një tjetër ngjarje e rëndësishme ishte ajo që ndodhi një ditë më parë. Raportimi i lirimit të fëmijëve në kampin Al-Hol në Siri. Ekipi i Top Channel solli minutë pas minutë dëshmitë e para të fëmijëve që shpëtuan nga ferri i kampit.
Top Channel i falenderon të gjithë për besimin dhe ju ftojmë të vazhdoni të na ndiqni si gjithmonë.
Top Channel
