Zjarri në fshatin Gjinar të Elbasanit ende nuk është shuar, ndërsa terreni i vështirë po e bën të pamundur ndërhyrjen e forcave zjarrfikëse në të gjitha vatrat e zjarrit.
Prej ditësh, ekipet po përballen me flakët, por situata vijon të jetë e vështirë. Era dhe bimësia, kryesisht pisha, favorizojnë përhapjen e zjarrit dhe e komplikojnë ndërhyrjen për shuarjen e plotë të vatrave.
Sipas banorëve situata sot është duket u përkeqësuar, teksa kërkojnë 2 helikopterë ose avionë. Sipas tyre me këtë ritëm flakët mund të arrijnë edhe tek banesat.
Terreni i thyer dhe vështirësia për të aksesuar të gjitha zonat e prekura kanë kufizuar ndërhyrjen e mjeteve zjarrfikëse, duke bërë që disa vatra të mbeten aktive.
Ndërkohë, banorët e zonës kërkojnë ndërhyrje nga ajri, me qëllim përshpejtimin e operacioneve për shuarjen e zjarrit dhe parandalimin e përhapjes së mëtejshme të flakëve.
Top Channel
