Arrihet marrëveshja për mos mbylljen TikTok në SHBA, akordi mund të nënshkruhen të enjten nga Trump dhe Xi Jinping 27/10 23:00
Gjermania tha sot se do të marrë më shumë se 1,500 emigrantë që strehohen aktualisht në ishujt grekë.
Zëdhënësi i kancelares Angela Merkel, Steffen Seibert tha se vendimi erdhi pas zjarrit që shkatërroi kampin e refugjatëve në ishullin e Lesbos duke lënë të pastrehë rreth 13 000 prej tyre.
Në deklaratën e Seibert thuhet se vendi do të presë 1,553 njerëz nga 408 familje që kanë fituar statusin e refugjatit.
Qeveria gjermane tha më tej se është “e përkushtuar për një zgjidhje evropiane me vende të tjera anëtare mikpritëse”.
Javën e kaluar një zjarr masiv shkatërroi Moria, kampin më të madh të refugjatëve në Evropë. Pesë njerëz janë arrestuar për ngjarjen dhe një tjetër është në kërkim.
Ministri i jashtëm gjerman Heiko Maas e kishte përshkruar më herët situatën si një “katastrofë humanitare.”
Top Channel
