Analiza e DW: Gati kthesa politike djathtas në Parlamentin Evropian? 27/11 10:40
Me hapësirë, të pastra dhe thuajse tërësisht transparente, këto janë tualetet e reja publike që janë vendosur në një park në Tokjo, por fatmirësisht, muret bëhen të patejdukshme sapo hyn brenda dhe mbyll derën.
Kur nuk janë në përdorim, tualetet janë transparente, me xhama lejla për burrat dhe rozë për femrat, bashkë me një njësi të aksesueshme të verdhë që përdoret për të ndryshuar pelenat e bebeve.
Muret mbahen transparente nga një rrymë elektrike që i përshkon ato. Mbyllja e derës ndërpret energjinë duke garantuar privatësinë për përdoruesin, dhe kjo do të thotë që nuk ka rrezik që gjithçka të bëhet e dukshme në rast të një ndërprerjeje të papritur të energjisë.
Tualetet janë pjesë e një projekti në të cilin janë angazhuar arkitektë të njohur, me qëllimin e rikonceptimit të këtyre objekteve publike. Duke i bërë tualetet transparente, mund të shuhet frika e njerëzve për pastërtinë e tyre, por ndihmon edhe në kuptimin e sigurisë, pasi mund të shihet nëse ka apo jo ndonjë person brenda tyre.
Top Channel
