![](https://top-channel.tv/wp-content/uploads/2024/09/WhatsApp-Image-2024-09-07-at-18_sd-800x450.jpg)
Nga foltorja e Kuvendit, ministrja e Ekonomisë dhe Financave, Anila Denaj deklaroi se ditën e sotme do të firmoset me bankat marrëveshja e dytë bankare, që mundëson likuiditet për të gjitha bizneset, në këtë periudhë të vështirë të koronavirusit.
Ministrja Denaj u shpreh se është duke u punuar për programin e rimëkëmbjes së ekonomisë, duke theksuar se ky proces është konsultuar me ekspertë ndërkombëtarë dhe kryesisht të Bankës Botërore.
“Naftëtarët e Ballshit, kanë në llogarinë e tyre bankare pagesën sipas aktit normativ. Janë duke u shqyrtuar mbi 470 kërkesa të proceduara nga bankat dhe sot firmosim me bankat marrëveshjen për garancinë e dytë bankare që mundëson likuiditet për të gjitha bizneset.
Përtej paketës së ndihmës ne jemi duke punuar në programin e rimëkëmbjes. Programi i rimëkëmbjes është punuar edhe me mbështetje të ndërkombëtarëve dhe kryesisht të Bankës Botërore, që do të ndihmojë në ringritjen e ekonomisë”, tha Denaj.
Top Channel