Analiza/ Si e sheh botën Marco Rubio, i zgjedhuri i Trumpit për sekretar të Shtetit? 13/11 22:43
Në grup doktorësh në Gjermani po postojnë foto të zhveshur teksa tentojnë të tërheqin vëmendje për mungesën e pajisjeve personale mbrojtëse ndaj koronavirusit.
Duke e quajtur protestën e tyre Blanke Bedenken, (Pendëse e zhveshur), anëtarët e grupit thonë se ndjehen të rrezikuar nga koronavirusi dhe pretendojnë se thirrjet e tyre të hershme kanë rënë në vesh të shurdhër.
Ruben Bernau, një doktor i përgjithshëm i grupit, tha për mediat se ai dhe mjekët të tjerë në klinikën e tij ishin të pajisur në mënyrë tëpamjaftueshme për të trajtuar virusin. “Lakuriqësia është një simbol se sa të ekzpozuar jemi pa mbrojtjen e diuhur”, tha ai.
Doktorët bënin fotot e tyre në vendet e punës, ose fshiheshin prapa dosjeve, letrave higjenike e ajisjeve mjekësore.
Christian Rechtenwald, gjithashtu doktor familjar, tha se grupi ishte frymëzuar nga nisma e një doktori francez i cili ishte fotografuar i zhveshur në vendin e tij të punës duke e përshkruar veten si “mish për top” në luftën kundër pandemisë.
Jana Husemann, tha: “Sigurisht që ne dëshirojmë të trajtojmë pacientët që kanë nevojë për ekzaminime të afërta, por kjo kërkon pajisjet e duhura mbrojtëse”.
Kompanitë prodhuese gjermane kanë shtuar punën e tyre por përsëri nuk arritur të plotësojnë kërkesën sepse prioritet i është dhënë spitaleve ku trajtohen pacientët e koronavirusit, duke lënë pas dore praktikat mjekësore të familjes.
Top Channel
