Sekretari amerikan i Shtetit: Deri në fund të mandatit do ‘luftoj’ për t’i dhënë fund luftërave në Gaza dhe Liban
07/11 20:47
Jo vetëm një orë, “Apple watch” mund të shpëtojë dhe jetë. Këtë gjë e dëshmon historia e biznesmenit brazilian Jorge Freire, i cili u sinjalizua nga ora e krijuar nga kompania Apple, se të rrahurat e zemrës së tij ishin tepër të larta.
Ky sinjalizim i shpëtoi jetën, pasi arriti që të shkonte në kohë në spital dhe të merrte trajtimin e duhur në këtë situatë të vështirë shëndetësore për të. Mjekët e diagnostikuan atë me takikardi.
Ora thotë ai më shpëtoi jetën pasi më sinjalizoi se rrahjet e zemrës sime janë shumë të larta. Kjo gjë ngriti alarmin për të, i cili pas sinjalizimit shkoi menjëherë në spital. Jorge arriti që të mbulonte të gjithë ngjarjen me foto, që nga momenti i shkuarjes në spital, momenti i shtrimit në të, por gjithashtu edhe momenti kur mjekët përkujdeseshin për të stabilizuar gjendjen e tij. Dhe të gjitha këto biznesmeni i ndau me miqtë në profilin e tij në “Facebook”.
“Norma e të rrahurave të zemrës ishte mbi 140 për më shumë se 10-të minuta. Nuk ndjeja asgjë, as dhimbje asgjë, kam mundur ta kem këtë takikardi për orë të tëra dhe të mos ta ndjeja. Për shkak të asaj që më ndodhi mua, i këshilloj të gjithë që të përdorin këtë pajisje. Mund të shpëtojë jetë”, u shpreh Jorge Freire.
Lajmi qarkulloi me shumë shpejtësi, duke nxitur pranimin e një mesazhi pozitiv në drejtim të tij nga Tim Cook, i cili është dhe CEO i kompanisë Apple. Në mesazh thuhej : “Jorge! Jam i lumtur që tani je më mirë. Faleminderit që e ndave historinë tënde me ne. Kjo na frymëzon të vazhdojmë më tutje. Gjithë të mirat, Tim”.
Top Channel
