Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Arkeologët në Ekuador kanë zbuluar mbetjet e foshnjave të varrosura rreth 2,000 vjet më parë.
Ato ishin varrosur me “helmeta” të bëra nga kafkat e fëmijëve të tjerë, më të vjetër. Ekipi që studio zonën në fjalë, i udhëhequr nga Sara Juengst, thotë se kjo është hera e parë që arkeologët kanë gjetur diçka të tillë. Autorët e hulumtimit kanë ofruar disa teori interesante të këtij zakoni të çuditshëm.
Një shpjegim i mundshëm është që helmetat e kockave u aplikuan për të mbrojtur shpirtrat e foshnjave, të cilët kurrë nuk kishin pasur shanse të jetonin vetë. Vlen të përmendet se shkencëtarët gjithashtu nuk kanë qenë në gjendje të përcaktojnë shkaqet e vdekjes. Është e paqartë se si vdiqën foshnjat dhe studiuesit janë po aq të pasigurt për shkakun e vdekjes së fëmijëve, kafkat e të cilëve u përdorën si helmeta.
Ritualet dhe zakonet e varrosjes ndryshojnë në mënyrë dramatike nga një kulturë në tjetrën, dhe disa nga traditat e kryera pas vdekjes së një personi mund të duken jashtëzakonisht të çuditshme. Çfarëdo sistemi i besimit mund të ketë çuar në këtë rrethanë të çuditshme është e paqartë, por arkeologët po vazhdojnë të hulumtojnë mundësitë.
Top Channel
