Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një kamion që mbante zhavorr është përplasur me një autobus të pasagjerëve, duke lënë të vdekur 12 persona në perëndim të Sllovakisë të mërkurën, duke shënuar aksidentin më të përgjakshëm rrugor në një dekadë në këtë shtet, ka thënë policia.
Aksidenti ka ndodhur në një ditë me shi, afër qytetit, Nitra, 90 kilometra në lindje të kryqytetit, Bratislavë.
Kamioni ka mundësi të ketë qenë shumë i ngarkuar, duke shkaktuar përplasje me anën tjetër ku ka qenë autobusi, ka thënë ministrja e Brendshme, Denisa Sakova, pak para se të nisej në vendin ku ka ndodhur aksidenti.
Ajo ka thënë se autobusi më pas ka dalë nga rruga, dhe disa njerëz kanë mbetur të bllokuar në të.
Në mesin e të vdekurve janë edhe katër nxënës të shkollave të mesme.
Kryeministri sllovak, Peter Pellegrini ka thënë se ai do ta ndërpresë një vizitë zyrtarë në Qipro një ditë më herët për t’u kthyer në Sllovaki./Evropa e Lirë
Top Channel
