SHBA godet trafikantët e drogës në Oqeanin Paqësor, 14 të vrarë në sulmet ndaj katër anijeve 28/10 15:03
Ka qenë një garë me tre pretendentë kryesorë këtë vit ajo për pasaportën më të fuqshme në glob, me të tre ata në Azi. Ndërsa kemi hyrë në gjysmën e dytë të 2019, Japonia dhe Singapori kanë ruajtur pozicionet e tyre si vendet me pasaporta më të fuqishme në botë, me Korenë e Jugut që vie në vendin e dytë.
Sipas indeksit të pasaportave Henley, që periodikusht mat aksesin që ofron dokumenti i udhëtimit të çdo vendi, Singapori dhe Japonia kryesojnë renditjen për shkak se me pasaportat e tyre mund të udhëtosh pa viza në 189 shtete.
Koreja e Jugut është pranë Finlandës dhe Gjermanisë, në baterinë e dytë, me qytetarët e të tre vendeve që kanë akses në 187 juridiksione në të gjithë botën pa patur nevojë për vizë.
Vendet evropiane si Danimarka, Italia dhe Luksemburgu, mbajnë vendin e tretë në indeks me akses në 186 shtete ndërsa Franca, Spanja dhe Suedia janë në grupin e katërt me akses në 185 vende.
Pesë vite më parë, Shtetet e Bashkuara dhe Britania kryesonin renditjen, por të dyja ato kanë rënë tani në vend të gjashtë, pozicioni më i ulët i tyre që nga 2010.
Shqipëria, renditet në klasifikimin e përgjithshëm, diku në mes, e 52-ta, pas Bosnje Hercegovinës dhe Federatës Ruse dhe para Gjeorgjisë dhe Turqisë. Ndërsa Kosova, renditet e 100 pas Sri Lankës dhe para Bangladeshit.
Top Channel
